一支小雨傘
(原曲：雨の中の二人)演唱：洪榮宏
作詞：黃敏
作曲：利根一郎
咱 兩 人， 做 陣 攑 著 一 支 小 雨 傘，
lán nn̄g lâng tsuè-tīn gia̍h tio̍h tsi̍t ki sió hōo-suànn
雨 愈 大， 我 來 照 顧 你， 你 來 照 顧 我。
hōo lú tuā guá lâi tsiàu-kòo lí lí lâi tsiàu-kòo guá
雖 然 雙 人 行 相 倚， 拄 著 風 雨 遮 爾 大，
sui-liân siang-lâng kiânn sio-uá tú-tio̍h hong-hōo tsiah-nī tuā
坎 坷 小 路 又 歹 行， 咱 著 小 心 行。
khám-khia̍t sió-lōo iū pháinn kiânn lán tio̍h sió-sim kiânn
你 佮 我， 做 陣 攑 著 一 支 小 雨 傘，
lí kah guá tsuè-tīn gia̍h tio̍h tsi̍t ki sió hōo-suànn
雨 愈 大， 沃 甲 澹 糊 糊， 心 情 也 快 活。
hōo lú tuā ak kah tâm-kôo-kôo sim-tsîng iā khuìnn-ua̍h
No comments:
Post a Comment