夢中之歌

夢中之歌

演唱：江蕙
作詞：沈文程
作曲：沈文程

今    夜，又    夢      著 你 矣

kim iā    iū bāng-tio̍h lí ah

陣       陣  的  歌       聲，    伴       著       青        春   的   人     影，

tsūn tsūn ê kua-siann phuānn tio̍h tshing-tshun ê lâng-iánn

溫     暖  的    雙       手，  輕      輕      牽     阮     向        前      行，

un-luán ê siang-tshiú  khin-khin khan gún hiòng-tsiân kiânn

迷     人  的  目     睭，  閃    爍     天        星   的  模      樣，

bê-lâng ê ba̍k-tsiu  siám-sih thinn tshinn ê bôo-iūnn

熱      情   的 你 啊， 親         像        甜    蜜 的 燒    酒，

lia̍t-tsîng ê  lí  ah  tshin-tshiūnn tinn-bi̍t ê sio-tsiú

可    愛 的  人   啊， 親         像        甜    蜜 的 燒    酒。

khó-ài ê lâng ah  tshin-tshiūnn tinn-bi̍t ê sio-tsiú

定           定      夢      見 的   人，  敢  是  真     心 的  人，

tiānn-tiānn bāng kìnn ê lâng  kám sī tsin-sim ê lâng

為 何 你  一 直  叫    阮，   想     著    真  毋    甘。

uī-hô lí  it-ti̍t kiò gún  siūnn tio̍h tsin m̄-kam

夢          中        聽          見 的  歌， 為  何    遮    爾  哀  怨，

bāng tiong thiann--kìnn ê kua   uī-hô tsiah-nī  ai-uàn

親            像     是  描    寫  一      段， 流     浪 的    苦       痛。

tshin-tshiūnn sī biô-siá tsi̍t tuānn  liû-lōng ê khóo thàng

這    條    純      情   的  歌，毋 是 完       全    無      望，

tsit tiâu sûn-tsîng ê kua   m̄ sī uân-tsuân bô-bāng

你  敢    知  世    間   猶 有 一 个  你 的 心       肝      佮 你 的     伴。

lí kám tsai sè-kan iah ū tsi̍t ê   lí  ê sim-kuann kah lí  ê phuānn

(REPEAT)