月夜愁

月夜愁

演唱：純純
作詞：周添旺
作曲：鄧雨賢

月     色    照    在    三       線       路， 風      吹   微  微，

ge̍h-sik tsiò tsāi sam-suànn-lōo  hong tshe bî-bî

等      待 的  人   哪  未  來，

tán-thāi ê lâng ná bē lâi

心    內   真    可    疑，  想   毋    出    彼 个  人。

sim-lāi tsin khó-gî   siūnn m̄ tshut hit ê lâng

啊~  怨     嘆     月    暝。

ah  uàn-thàn ge̍h-mî

敢    是  註      定   無   緣    份， 所  愛  的 伊，

kám sī tsù-tiānn bô iân-hūn  sóo ài  ê   i

因 何   予     阮     放      袂 離，

in hô hōo gún pang buē lī

夢           中   來    相       見，  斷    腸 詩      唱       袂   止。

bāng-tiong lâi sann-kìnn  tuàn tn̂g si tshiùnn buē tsí

啊~  憂    愁     月    暝。

ah   iu-tshiû ge̍h-mî

更         深    無       伴      獨      相    思， 秋       蟬  哀 啼，

kinn tshim bô phuānn to̍k siunn-si   tshiu-siân ai thî

月       光    所    照  的  樹      影，

ge̍h-kng sóo tsiò ê tshiū iánn

加      添      阮      傷   悲， 心      頭     酸  目     屎 滴。

ka-thiam gún siong pi   sim-thâu sng ba̍k-sái tih

啊~ 無     聊   月    暝。

ah  bô-liâu ge̍h-mî