愛我三分鐘

愛我三分鐘

演唱：江蕙
作詞：林秋離
作曲：熊美玲

*叫  阮    心        肝， 無    阮    袂    活，  你  敢     咒     誓，

kiò gún sim-kuann  bô gún buē ua̍h    lí kánn tsiù-tsuā

愛  阮  的 心     用   鉸  刀    攑   來    割。

ài gún ê sim iōng ka-to gia̍h lâi kuah

有   情   也 罷，無  愛  閣    袂      煞，你     怎       樣    啦，

ū-tsîng iā pā   bô ài koh buē suah   lí tsuánn-iūnn lah

掠     我    金     金         看，你 到    底  是 按      怎。

lia̍h guá kim-kim-khuànn lí tàu-tué sī án-tsuánn

咱    兩     人     決     心   鬥    陣， 是 無   論     風       雨  也  著      行，

lán nn̄g lâng kuat-sim tàu-tīn    sī bô-lūn hong-hōo iā tio̍h kiânn

愛 提       出    真      情    對   我。

ài thê-tshut tsin-tsîng tuì guá

**感    情   的 世   界  愈    跋   愈    深，

kám-tsîng ê sè-kài lú pua̍h lú tshim

希     望  你 對   我      疼   會  落   心，

hi-bāng lí tuì guá thiànn ē lo̍h sim

你 愛 的   敢  是    東      門       町  西     門      町  彼       款      現   代  女   性。

lí   ài  ê kám sī Tang-mn̂g-ting Se-mn̂g-ting hit khuán hiān-tāi lú-sìng

感        情   的   變     化        看       攏     袂      清，

kám-tsîng ê piàn-huà khuànn lóng buē tshing

舊  年 的 咒      誓    敢      通        相      信，

kū-nî ê tsiù-tsuā kám thang siong-sìn

是 毋 是 愛  我     三     分      鐘     五    分     鐘     過   後   就     冷    冰     冰。

sī  m̄  sī ài guá sann hun-tsing gōo hun-tsing kè-āu tio̍h ling ping ping

(REPEAT)