愛拼才會贏

愛拼才會贏

演唱：葉啟田
作詞：陳百潭
作曲：陳百潭

一   時 失  志  毋    免    怨      嘆，

tsi̍t-sî sit-tsì m̄-bián uàn-thàn

一   時  落     魄   毋    免     膽   寒，

tsi̍t-sî lo̍k-phik m̄-bián tám hân

哪     通    失   去  希     望， 每   日   醉      茫      茫，

ná thang sit-khì hi-bāng muí-li̍t tsuì-bâng-bâng

無    魂 有 體      親          像     稻      草      人。

bô hûn ū thé tshin-tshiūnn tiū-tsháu-lâng

人    生     可   比 是 海      上   的  波      浪，

lîn-sing khó-pí sī hái-siōng ê pho-lōng

有 時  起 有 時 落，

ū-sî  khí ū-sî lo̍h

好    運，   歹      運，  總     嘛 愛    照     起     工   來     行，

hó-ūn  pháinn-ūn  tsóng mā ài tsiàu-khí-kang lâi kiânn

三       分      天    註      定， 七     分    靠     拍        拚，

sann hun thinn tsù-tiānn tshit hun khò phah-piànn

愛    拚       才  會  贏。

ài piànn tsiah ē iânn

(REPEAT)