我愛過

我愛過

演唱：江蕙
作詞：武雄
作曲：林東松

冷      冷 的  雨，   親         像     是 無 意 義 的 閒   話，

ling ling ê hōo  tshin-tshiūnn sī bô ì-gī  ê  îng-uē

毋      通   來  沃    澹    我  的  生     活，

m̄-thang lâi ak-tâm guá ê sing-ua̍h

我   的 一   切，該    問   的 其  實 你  攏     問   過，

guá ê  it-tshè kai mn̄g ê  kî-si̍t lí long mn̄g kè

關     於 愛    情， 佮     人    討    論  只 是  夯  枷，

kuan-î  ài-tsîng kah lâng thó-lūn tsí-sī giâ-kê

兩   字 緣    份   啊， 是  最    後 的  我  的 解   說。

nn̄g lī iân-hūn ah    sī tsuè-āu ê guá ê kái-seh

失    去 的  我    感     謝    天     地，  肯    賜  予     我  有 一 个 愛 你 的 機   會，

sit-khì ê guá kám-siā thinn-tuē khíng sù hōo guá ū tsi̍t ê  ài  lí  ê  ki-huē

得   著  的 也 已  經     真    濟， 我  毋 是  最    後 你  欲     選  的 彼 个，

tit tio̍h ê  iā  í-king tsin tsuē guá m̄ sī tsuè-āu  lí beh suán ê hit ê

冷     冷  的    風     吹   來，我  的  心      疼      亂     亂   飛，

ling ling ê hong tshe lâi  guá ê sim thiànn luān luān pe

一      聲     再    會   吧， 已  經   無    怨       慼。

tsi̍t siann tsài-huē pa    í-king bô uàn-tshueh

免        講       傷      濟， 心     酸       像       雨      水 已 經     落   地，

bián kóng siunn tsuē  sim-sng tshiūnn hōo-tsuí í-king lo̍h tuē

既   然  是  我  家  己 的  生    活，

kì-liân sī guá ka-kī ê sing-ua̍h

請         你    相     信，該     想  的 其 實   我     攏      想   過，

tshiánn lí siong-sìn  kai siūnn ê kî-si̍t guá long siūnn kè

關     於 愛    情，  感     謝 過   去 你 的   奉     陪，

kuan-î  ài-tsîng kám-siā kè-khì lí  ê hōng puê

一   句   真     心  話， 謝    天      謝   地，我  有 愛 過。

tsi̍t kù tsin-sim uē   siā-thinn-siā-tuē guá ū  ài kè

(REPEAT)