人生的歌

人生的歌

演唱：黃乙玲
作詞：李秉宗
作曲：李秉宗

愛     唱      一    首  歌， 一   首 有  頭   無  尾 的  歌，

ài tshiùnn tsi̍t siú kua  tsi̍t siú ū thâu bô bé ê kua

有 時    快    樂 ， 有 時 悲     傷， 有 時 只    賰      孤       單。

ū  sî khuài-lo̍k    ū  sî  pi-siong  ū  sî tsí tshun koo-tuann

愛     像      一    首  歌，紀  錄   咱 的  心       情    佮    生    活，

ài tshiūnn tsi̍t siú kua  kì-lo̍k lán ê sim-tsiânn kah sing-ua̍h

有 時   清          醒， 有 時  懷    疑，人    生    到  底 為  著      啥。

ū  sî tshing-tshínn  ū  sî huâi-gî   lîn-sing tàu-té uī tio̍h siánn

越   過    頭   去        看  ，    雄        雄       才     知    影，

ua̍t kè thâu khì khuànn  hiông-hiông tsiah tsai-iánn

咱  的 舞   台，愛   用       青         春   來    換。

lán ê  bú-tâi   ài iōng tshing-tshun lâi uānn

越   過    頭    去       看 ，人    生   過  未   一      半，

ua̍t kè thâu khì khuànn lîn-sing kè bē tsi̍t-puànn

煞     毋   知 如  何  來      唱       這   條    歌。

suah m̄ tsai lû-hô lâi tshiùnn tsit tiâu kua

*這  首   歌       唱     啊       唱     未    煞，

tsit siú kua tshiùnn ah tshiùnn bē suah

往     事   一    幕    幕      親         像       電     影，

óng-sū tsi̍t bōo bōo tshin-tshiūnn tiān-iánn

有 時   陣   為  著    度    生     活，著   愛   配      合    別     人    心       情。

ū-sî-tsūn uī tio̍h tōo sing-ua̍h tio̍h ài phuè-ha̍p pa̍t-lâng sim-tsiânn

這    首   歌        唱      甲    心    攏      破， 一 字 一  句     攏  是   拖     磨，

tsit siú kua tshiùnn kah sim long phuà  tsi̍t lī tsi̍t kù long sī thua-buâ

因 為  無   人     知   我  的 心 有   偌     疼。

in-uī bô lâng tsai guá ê sim ū guā thiànn

(REPEAT)

因 為 你 嘛   知   咱   永    遠   為  別    人    咧    活。

in-uī  lí mā tsai lán íng-uán uī pa̍t-lâng teh ua̍h