心肝寶貝
演唱：鳳飛飛作詞：李坤成/羅大佑
作曲：羅大佑
*月 娘 光 光 掛 天 頂， 嫦 娥 佇 遐 蹛，
ge̍h-niû kng kng kuà thinn-tíng siông-ngôo tī hia tuà
你 是 阮 的 掌 上 明 珠， 抱 著 金 金 看。
lí sī gún ê tsiáng siōng bîng tsu phō tio̍h kim-kim-khuànn
看 你 度 晬， 看 你 收 瀾， 看 你 咧 學 行，
khuànn lí tōo-tsè khuànn lí siu-nuā khuànn lí teh o̍h kiânn
看 你 會 走， 看 你 出 世， 相 片 一 大 疊。
khuànn lí ē tsáu khuànn lí tshut-sì siòng-phìnn tsi̍t tuā tha̍h
***輕 輕 聽 著 喘 氣 聲，心 肝 寶 貝 囝，
khin khin thiann-tio̍h tshuán-khuì siann sim-kuann pó-puè kiánn
你 是 阮 的 幸 福 希 望， 斟 酌 共 你 晟。
lí sī gún ê hīng-hok hi-bāng tsim-tsiok kā lí tshiânn
望 你 精 光， 望 你 才 情， 望 你 趕 緊 大，
bāng lí tsing-kong bāng lí tsâi-tsîng bāng lí kuánn-kín tuā
望 你 古 錐， 健 康 活 潑，毋 驚 受 風 寒。
bāng lí kóo-tsui kiān-khong hua̍t-phuat m̄-kiann siū hong kuânn
鳥 仔 風 吹， 攏 總 會 飛， 到 底 為 啥 物？
tsiáu-á hong-tshe lóng-tsóng ē pe tàu-tué uī siánn-mih
魚 仔 船 隻， 攏 是 無 跤， 按 怎 會 徙 位？
hî-á tsûn-tsiah lóng sī bô kha án-tsuánn ē suá-uī
日 頭 出 來，日 頭 落 山，日 頭 對 佗 去？
li̍t-thâu tshut--lâi li̍t-thâu lo̍h-suann li̍t-thâu tuì tó khì
春 天 的 花，愛 食 的 蜂， 伊 是 佇 佗 位？
tshun-thinn ê hue ài tsia̍h ê phang i sī tī tó-uī
(REPEAT)
**鳥 仔 有 翅， 風 吹 有 線， 才 會 天 頂 飛，
tsiáu-á ū tshì hong-tshe ū suànn tsiah ē thinn-tíng pe
魚 仔 有 尾， 親 像 行 船， 希 望 著 愛 揣。
hî-á ū bé tshin-tshiūnn kiânn-tsûn hi-bāng tio̍h ài tshē
日 頭 出 來，日 頭 落 山，日 子 攏 按 呢 過，
li̍t-thâu tshut--lâi li̍t-thâu lo̍h-suann li̍t-tsí lóng án-ne kè
花 謝 花 開， 天 暗 天 光， 仝 款 的 問 題。
hue siā hue khui thinn
àm thinn-kng kāng-khuán ê būn-tuê(REPEAT)
No comments:
Post a Comment