天頂的月娘啊

天頂的月娘啊

演唱：許景淳
作詞：潘芳烈
作曲：潘芳烈

天         頂  的  月    娘   啊，你  敢  有 咧       看，

thinn-tíng ê ge̍h-niû ah    lí kám ū teh khuànn

看            阮  的  心      肝     啊， 為  何  咧    做       疼。

khuànn gún ê sim-kuann ah    uī-hô teh tsuè thiànn

天         頂  的  月     娘  啊， 我     輕     輕    叫  一     聲，

thinn-tíng ê ge̍h-niû ah   guá khin khin kiò tsi̍t siann

望    伊 會  知     影   啊， 毋     通      予     我   孤       單。

bāng i  ē tsai-iánn ah    m̄-thang hōo guá koo-tuann

是 毋 是  頂   世   人，   欠   你 的   感     情     債，

sī  m̄ sī tíng-sì-lâng khiàm lí  ê kám-tsîng tsè

這   世    人    欲    用      青          春     提   來  賠。

tsit-sì-lâng beh īng tshing-tshun the̍h lâi pê

你 的 心     遐   爾  冷， 你 的 愛   遐   爾    冰，

lí   ê sim hiah-nī líng   lí   ê  ài hiah-nī ping

這  世    間  有   啥       人      親         像      我     遮     痴      情。

tse sè-kan ū siánn-lâng tshin-tshiūnn guá tsiah tshi-tsîng

一   瞑  一   瞑 的   相    思， 浮     浮    沉    沉      放     袂  離，

tsi̍t mî tsi̍t mî ê siunn-si   phû-phû-tîm-tîm pang buē lī

一    擺   一  擺     攑      頭        看， 流      星     哪 會   遮   無      伴。

tsi̍t pái tsi̍t pái gia̍h-thâu khuànn liû-tshinn ná ē tsiah bô phuānn

(REPEAT)