繁華攏是夢

繁華攏是夢

演唱：陳美鳳
作詞：游鴻明
作曲：游鴻明

一   暝     夢     攏         看     無 你 的  人， 阮  的 心  是 夜 夜 咧   思   戀，

tsi̍t mî bāng long khuànn bô lí  ê lâng gún ê sim sī  iā iā teh sù luân

情      是   風       中   的  花      欉，  起    落    袂      當      照   希    望，

tsîng sī hong tiong ê hue-tsâng  khí-lo̍h buē-tàng tsiàu hi-bāng

阮    猶    原   為  你 咧      清         芳。

gún iu-guân uī  lí teh tshing-phang

*是  緣    份     予     雙       人        伴         相     隨，

  sī  iân-hūn hōo siang-lâng phuānn siong-suî

是  命   運 伊    將     咱  來     放  離， 風      吹     一     山    過   一     山，

sī miā-ūn  i tsiong lán lâi pàng lī   hong tshe tsi̍t suann kè tsi̍t suann

揣     無    心  愛 的  形      影，吹     袂     透     我   心  內   孤       單。

tshē bô sim-ài ê hîng-iánn tshe buē thàu guá sim lāi koo-tuann

**人 若  是    疼       著   一  个 無    心 的  人，

lâng nā-sī thiànn tio̍h tsi̍t ê  bô sim ê lâng

情         茫        茫      望   你    半      生       通   也 毋     通，

tsîng bâng-bâng bāng lí puànn sing thang iā m̄-thang

像             東   流     水  綿  綿    相    思，

tshiūnn tang lâu-tsuí mî mî siunn-si

多     情   多   怨      嘆   又  閣      想     起。

to-tsîng to uàn-thàn iū-koh siūnn-khí

人     若  是     疼      著    一 个 無   心  的  人，

lâng nā-sī thiànn tio̍h tsi̍t ê  bô sim ê lâng

當         做  是  註      定    紅   塵   一     場     戀     夢，

tòng-tsuè sī tsù-tiānn âng tîn tsi̍t tiûnn luân bāng

偏            偏   為 你   夢    也    相   思，

phian-phian uī  lí bāng iā siunn-si

啥人  的   人   啥人      疼         痛       繁      華    攏   是   夢。

siáng ê lâng siáng thiànn-thàng huân-huâ long sī bāng

(REPEAT)