找無對手

找無對手

演唱：江蕙
作詞：武雄
作曲：林東松

我   已  經        攢      好   一  首， 最      快      樂  的 甜    蜜    情      歌，

guá í-king tshuân-hó tsi̍t siú  tsuè khuài-lo̍k ê tinn-bi̍t tsîng-kua

真       想     欲    走       揣   一  个， 有   情   的  人    佮    我     做        伴，

tsin siūnn beh tsáu-tshē tsi̍t ê     ū-tsîng ê lâng kah guá tsuè phuānn

世    間 的  男     性     遐    爾 仔  濟， 佗  一 个   才  會  合？

sè-kan ê lâm-sìng hiah-nī-á tsuē   tó tsi̍t ê tsiah ē ha̍h

*我  無  愛  條   直 的   人，  講      話  頇     顢   個    性       驚       驚，

guá bô ài tiâu-ti̍t ê lâng  kóng-uē han-bān kò-sìng kiann kiann

嘛   無  愛    風    流 的  人，   情    話  無     影    無     跡，

mā bô ài hong-liû ê lâng  tsîng uē bô-iánn-bô-tsiah

只    要  一      種       甜   蜜 的   感     覺，真    心   來     疼       惜     我。

tsí-iàu tsi̍t tsióng tinn-bi̍t ê kám-kak tsin-sim lâi thiànn-sioh guá

你 啊 你  啊 你 啊 你 佇  佗  位，哪  毋 緊  來   陪         伴       我，

lí  ah  lí  ah  lí ah  lí  tī  tó-uī    ná m̄ kín lâi puê-phuānn guá

我    啊   我   啊   我  啊   我   咧   等 你，等 你  合         唱      這   條     歌，

guá ah guá ah guá ah guá teh tán lí   tán lí ha̍p-tshiùnn tsit tiâu kua

愛    情   愈 來 愈    茫，(マイク) 愈   攑   愈 來 愈   重，是 為   著       啥      人？

ài-tsîng lú lâi lú bâng (mai-ku) lú gia̍h lú lâi lú tāng  sī  uī-tio̍h siánn-lâng

**你 啊 你 啊 你 啊 你 若     聽          見， 緊  來       唱         出  你 愛 我，

   lí  ah lí  ah lí  ah lí  nā thiann--kìnn  kín lâi tshiùnn-tshut lí ài guá

我    啊    我  啊   我  啊    我   咧   等 你，  怎         樣  你 會 毋  知     影，

guá ah guá ah guá ah guá teh tán lí   tsuánn-iūnn lí  ē  m̄ tsai-iánn

愛    情   愈    行    愈   煩， 心     情    愈    想   愈 來 愈   亂，

ài-tsîng lú kiânn lú huân sim-tsîng lú siūnn lú lâi lú luān

揣      無  對     手   來   合         唱      一     段     好    夢。

tshē bô tuì-tshiú lâi ha̍p-tshiùnn tsit tuānn hó bāng

(REPEAT)