難過情關

難過情關

演唱：江蕙
作詞：李克明
作曲：徐嘉良

音    樂   一      聲       響    一      聲    霆， 厝    內 只     賰      阮   一  个  人，

im-ga̍k tsi̍t siann hiáng tsi̍t siann tân  tshù-lāi tsí tshun gún tsi̍t ê lâng

電     火    光    光  也 是 烏    暗，阮  的  愛   情   已   經   無  希    望。

tiān-hé kng kng iā-sī oo-àm  gún ê  ài-tsîng í-king bô hi-bāng

情         歌   一     聲         唱      一     聲     合，

tsîng-kua tsi̍t siann tshiùnn tsi̍t siann ha̍p

金      金        看        人     成   對   成      雙，

kim-kim khuànn lâng sîng tuì sîng siang

愛  你 的 心    阮   毋    願       放，身    邊    哪 會  永    遠       欠     一    人。

ài   lí  ê sim gún m̄-guān pàng sin-pinn ná  ē íng-uán khiàm tsi̍t lâng

*雨   落   落   落    袂    完，  拍         醒      感      情     這     場       夢，

hōo lo̍h lo̍h lo̍h buē uân  phah-tshínn kám-tsîng tsit tiûnn bāng

嘛    等   等   等  無    人     替     阮   毋   甘，

mā tán tán tán bô lâng thuè gún m̄-kam

夢         夢       夢       夢     袂    著    心   愛 的 彼  个  人，

bāng bāng bāng bāng buē tio̍h sim-ài  ê  hit ê lâng

阮   已   經     揣   無 理 由  閣    等。

gún í-king tshē bô lí-iû koh tán

為 你  浮     浮    沉     沉     踮   無     情   的 世   間，

uī  lí phû-phû-tîm-tîm tiàm bô-tsîng ê  sè-kan

總          是 為 愛  心     煩     心    亂，

tsóng--sī uī  ài sim huân sim luān

艱        苦    鬱 佇  胸        坎   是 為   著      啥       人，

kan-khóo ut  tī hing-khám sī uī-tio̍h siánn-lâng

愛     情     敢    真       正       遮    爾   困     難。

ài-tsîng kám tsin-tsiànn tsiah-nī khùn-lân

為 你  浮     浮    沉    沉     踮    無    情    的 世    間，

uī  lí phû-phû-tîm-tîm tiàm bô-tsîng ê  sè-kan

想         欲    了    斷    閣   毋   甘       願，

siūnn beh liáu tuān koh m̄ kam-guān

行         到   這       款   的   坎        站   無    論     啥      人，

kiânn kàu tsit khuán ê khám-tsām bô-lūn siánn-lâng

也 是 難  過    情      關。

iā-sī lân kè tsîng kuan

(REPEAT)