真心換絕情

真心換絕情

演唱：吳宗憲
作詞：吳宗憲
作曲：吳宗憲

交      予 你 的  心， 你  囥   佇  佗  位，

kau hōo lí  ê sim    lí khǹg tī  tó-uī

風       雨   中   的   感      情，你  敢    猶 會 記，

hong-ú tiong ê kám-tsîng  lí kám iah ē  kì

無    奈    秋       風     遐    爾  冷， 陣     陣     吹     踮     胸       前，

bô-nāi tshiu hong hiah-nī líng tsūn tsūn tshe tiàm hing-tsîng

心   虛  的  笑        容，是 你   最   後 的  表      情。

sim hi  ê tshiò-iông   sī  lí tsuè-āu ê piáu-tsîng

*你 愛 彼 个  人， 佇  咧   等 你，

  lí  ài hit ê lâng   tī-leh tán lí

伊  敢   有  親          像       我，  遐   爾 仔 愛 你，

 i  kám ū tshin-tshiūnn guá  hiah-nī-á  ài  lí

過    去    情       景        像       電      影，  輕      輕     浮   在    眼      前，

kè-khì tsîng-kíng tshiūnn tiān-iánn  khin-khin phû tsāi gán-tsîng

每     一    幕     攏     予    我， 有   講     袂      出    來 的 心      疼。

muí tsi̍t bōo lóng hōo guá   ū kóng buē tshut-lâi ê sim thiànn

**毋    願       相      信   我  的  真     心，最    後    換    來  一     場      絕      情，

   m̄-guān siong-sìn guá ê tsin-sim tsuè-āu uānn lâi tsi̍t tiûnn tsua̍t-tsîng

毋     願      相      信  你 的 愛    情      遐   爾 仔   冷，

m̄-guān siong-sìn  lí  ê  ài-tsîng hiah-nī-á  líng

毋    願       相      信   我  的 真     心， 最    後     換   來  一     場      絕       情，

m̄-guān siong-sìn guá ê tsin-sim  tsuè-āu uānn lâi tsi̍t tiûnn tsua̍t-tsîng

敢        講        天    註      定   愛 你  一   生，

kám-kóng thinn tsù-tiānn ài  lí   it-sing

真      心     換      絕        情，  換       絕      情。

tsin-sim uānn tsua̍t-tsîng  uānn tsua̍t-tsîng

(REPEAT)