舊相片

舊相片

演唱：秀蘭瑪雅
作詞：謝明訓
作曲：秀蘭瑪雅

*心   事    囥    一     爿，  窗        外   烏  陰      天，

sim-sū khǹg tsi̍t-pîng thang-guā oo-im-thinn

暗      風     吹   來  惹    相    思。

àm hong tshe lâi liá siunn-si

往      事  佗  位  覕，  親         像       一    齣   戲，

óng-sū  tó-uī bih  tshin-tshiūnn tsi̍t tshut hì

啥          人  來      搬       才    袂       傷   悲。

siánn-lâng lâi puann tsiah buē siong pi

思    念      親         像      一      張   舊     相        片，

su-liām tshin-tshiūnn tsi̍t tiunn kū siòng-phìnn

雖    然    退   色  猶     原     遮    爾  媠，

sui-liân thè-sik iu-guân tsiah-nī suí

淡       薄   仔 稀 微，陪          伴      著  你 的   笑      面，

tām-po̍h-á  hi-bî  puê-phuānn tio̍h lí  ê tshiò-bīn

是 你 毋    甘    予     阮       將   你   放     袂   記。

sī  lí  m̄-kam hōo gún tsiong lí pàng buē-kì

雙           手     提      著    這     張   舊     相         片，

siang-tshiú the̍h-tio̍h tsit tiunn kū siòng-phìnn

親            像    有 你 佇  阮  的 身    邊，

tshin-tshiūnn ū  lí  tī gún ê sin-pinn

**毋   敢     算  日  子，  甘       願     做      夢   毋     願       醒，

  m̄ kánn sǹg li̍t-tsí   kam-guān tsuè bāng m̄-guān tshínn

因 為 你  永    遠  佇  阮  的 心  內   面。

in-uī  lí íng-uán tī gún ê sim lāi-bīn

(REPEAT)