靠岸

靠岸

演唱：江蕙
作詞：潘拹慶
作曲：潘協慶

*三      更        半      暝， 無 意    中       想      著  你，

sann-kinn-puànn-mî   bô-ì-tiong siūnn-tio̍h lí

我      徛  佇    窗    仔 內，    看        見      窗    仔  外，  陣     陣     雨   咧   滴。

guá khiā tī thang-á lāi  khuànn-kìnn thang-á guā  tsūn tsūn hōo teh tih

軟       弱  的   相     思， 完       全      放     袂   記， 無    勇     氣，

luán-lio̍k ê siunn-si    uân-tsuân pàng buē kì    bô ióng-khì

寂       寞     欲     走   去  佗  位， 啊   感       情     阮    欲   對 佗   揣    起。

siok-bo̍k beh tsáu khì tó-uī    ah kám-tsîng gún beh uì  tó tshē khí

有   淡     薄  仔     寒，有  淡      薄   仔    疼，

ū  tām-po̍h-á kuânn  ū tām-po̍h-á thiànn

有   淡     薄  仔    想     欲     揣    一 个  人   來   做        伴，

ū  tām-po̍h-á siūnn beh tshē tsi̍t ê lâng lâi tsuè phuānn

有   啥      人， 會 永    遠   袂     變     卦？

ū siánn-lâng   ē íng-uán buē piàn-kuà

有   啥      人，  肯       用     真    心   對    待   我？

ū siánn-lâng khíng iōng tsin-sim tuì-thāi guá

有  淡      薄   仔    寒， 有  淡      薄  仔     疼，

ū  tām-po̍h-á kuânn  ū  tām-po̍h-á thiànn

有  淡      薄  仔    想     欲     決     心       將   你 來       看         破，

ū  tām-po̍h-á siūnn beh kuat-sim tsiong lí  lâi khuànn-phuà

為     怎        樣，  甘       傷     阮  的 心       肝？

uī tsuánn-iūnn  kam siong gún ê sim-kuann

為     怎        樣， 不     再      將      阮       疼      命    命，做      阮  的  靠       岸。

uī tsuánn-iūnn  put-tsài tsiong gún thiànn miā miā  tsuè gún ê khò-huānn

(REPEAT)

有  淡      薄   仔    寒， 有   淡     薄   仔    疼，

ū  tām-po̍h-á kuânn  ū  tām-po̍h-á thiànn

有  淡      薄   仔   想     欲     揣    一 个  人   來    做        伴，

ū  tām-po̍h-á siūnn beh tshē tsi̍t ê lâng lâi tsuè phuānn

有   啥      人， 跋       感       情      免    咒    誓？

ū siánn-lâng pua̍h-kám-tsîng bián tsiù-tsuā

有   啥      人， 最    後   袂   來 違   背    我？

ū siánn-lâng tsuè-āu buē lâi uî-puē guá

**有   淡      薄   仔    寒， 有   淡     薄   仔    疼，

   ū  tām-po̍h-á kuânn  ū  tām-po̍h-á thiànn

有  淡      薄  仔    想     欲   越       頭      行      出     感       情       線，

ū  tām-po̍h-á siūnn beh ua̍t-thâu kiânn tshut kám-tsîng suànn

為    怎         樣，欲      傷      阮  的 心       肝？

uī tsuánn-iūnn beh siong gún ê sim-kuann

為     怎        樣， 阮 會    將      湳    水   流   沙，    看       做  是  靠       岸。

uī tsuánn-iūnn gún ē tsiong làm tsuí lâu sua khuànn tsuè sī khò-huānn

(REPEAT)