流浪到淡水

流浪到淡水

演唱：金門王/李炳輝
作詞：陳明章
作曲：陳明章

有 緣， 無   緣， 逐    家  來   做    伙，

ū-iân   bô-iân   ta̍k-ke lâi tsuè-hé

燒    酒    啉   一   杯，  予  焦  啦！  予   焦 啦！

sio-tsiú lim tsi̍t pue  hōo ta lah   hōo ta lah

捾           著      風        琴，  提      著 (ギター)， 雙       人      牽     做    伙，

kuānn-tio̍h hong-khîm  the̍h-tio̍h (gitaa)    siang-lâng khan tsuè-hé

為   著     生     活   流     浪    到    淡      水，

uī-tio̍h sing-ua̍h liû-lōng kàu Tām-tsuí

想         起   故       鄉，  心   愛 的   人， 感       情      用      遮    厚，

siūnn-khí kòo-hiong sim-ài  ê lâng  kám-tsîng iōng tsiah kāu

才       知     影    痴      情   是 第 一    戇   的  人。

tsiah tsai-iánn tshi-tsîng sī tē-it gōng ê lâng

燒     酒   落    喉，心      情      輕       鬆，鬱    卒     放      挕   捒，

sio-tsiú lo̍h-âu   sim-tsîng khin-sang  ut-tsut pàng hìnn sak

往      事     將   伊  當       做   一      場      夢，

óng-sū tsiong i tòng-tsuè tsi̍t tiûnn bāng

想         起   故        鄉， 心   愛 的  人，   將   伊   放     袂   記，

siūnn-khí kòo-hiong sim-ài  ê lâng tsiong i pàng buē-kì

流     浪     到     他         鄉，   重     新  過  日  子。

liû-lōng kàu thann-hiong tiông-sin kè li̍t-tsí

阮    毋 是 喜 愛 虛   華，  阮  只  是     環       境   來    拖     磨，

gún m̄ sī  hí ài  hi-hua  gún tsí-sī khuân-kíng lâi thua-buâ

人          客  若   叫    阮，  風       雨   嘛    著      行，

lâng-kheh nā kiò gún  hong-hōo mā tio̍h kiânn

為 伊     唱        出    留     戀  的   情     歌。

uī  i tshiùnn-tshut liû-luân ê tsîng-kua

人    生     浮     沉， 起    起    落    落，毋    免   來    煩    惱，

lîn-sing phû-tîm   khí-khí-lo̍h-lo̍h   m̄-bián lâi huân-ló

有 時 月    圓，有 時  也  袂     平，

ū-sî ge̍h înn    ū-sî  iā buē pînn

趁        著   下昏暗，    歡         歡     喜  喜， 鬥    陣 來   做    伙，

thàn-tio̍h ing-àm  huann-huann-hí-hí    tàu-tīn lâi tsuè-hé

你  來    跳     舞，  我  來   唸     歌  詩。

lí   lâi thiàu-bú   guá lâi liām kua-si

(REPEAT)