好不好
演唱:五月天作詞:阿信
作曲:阿信
毋 知,是 著 抑 是 毋 著,
m̄ tsai sī tio̍h a̍h-sī m̄-tio̍h
毋 知,是 好 抑 是 毋 好,
m̄ tsai sī hó a̍h-sī m̄ hó
毋 知 你, 敢 會 笑 阮 戇。
m̄ tsai lí kám ē tshiò gún gōng
熱 天,西 北 雨 的 下 晡,
lua̍h-thinn sai-pak-hōo ê ē-poo
想 你, 毋 知 影 你 佇 佗,
siūnn lí m̄ tsai-iánn lí tī toh
真 希 望, 看 著 你 的 笑 容。
tsin hi-bāng khuànn tio̍h lí ê tshiò-iông
你 的 溫 暖 充 滿 著 阮 孤 單 的 心 臟,
lí ê un-luán tshiong-buán tio̍h gún koo-tuann ê sim-tsōng
我 袂 當 繼 續 再 等 待, 想 欲 對 你 講。
guá buē-tàng kè-sio̍k tsài tán-thāi siūnn beh tuì lí kóng
*予 你 想, 予 你 臆,是 啥 人 規 暝 煩 惱,
hōo lí siūnn hōo lí ioh sī siánn-lâng kui mî huân-ló
煩 惱 著,無 情 的 風,無 情 的 雨, 阻 礙 咱 的 路。
huân-ló tio̍h bô-tsîng ê hong bô-tsîng ê hōo tsóo-gāi lán ê lōo
共 你 疼,共 你 惜,共 你 捀 踮 我 雙 手 中,
kā lí thiànn kā lí sioh kā lí phâng tiàm guá siang-tshiú tiong
我 一 生 唯 一 的 希 望, 欲 予 你 快 樂, 好 抑 毋 好。
guá it-sing uî-it ê hi-bōng beh hōo lí khuài-lo̍k hó ia̍h m̄ hó
日 子,有 甜 嘛 有 艱 苦,
li̍t-tsí ū tinn mā ū kan-khóo
有 你,有 我 互 相 照 顧,
ū lí ū guá hōo-siong tsiàu-kòo
想 欲 聽,你 心 內 的 感 想。
siūnn beh thiann lí sim-lāi ê kám-sióng
親 愛,你 敢 有 聽 阮 講,
tshin-ài lí kám ū thiann gún kóng
親 愛, 到 底 是 好 毋 好,
tshin-ài tàu-tué sī hó m̄ hó
敢 講 你, 驚 阮 無 信 用,
kám-kóng lí kiann gún bô sìn-iōng
猶 是 你 閣 有 苦 衷。
iah sī lí koh ū khóo thiong
你 的 溫 暖 充 滿 著 阮 孤 單 的 心 臟,
lí ê un-luán tshiong-buán tio̍h gún koo-tuann ê sim-tsōng
我 等 待 袂 當 閣 繼 續, 想 欲 對 你 講。
guá tán-thāi buē-tàng koh kè-sio̍k siūnn beh tuì lí kóng
No comments:
Post a Comment