非常女

非常女

(原曲：北寒港)

演唱：黃妃
作詞：黃強華
作曲：浜圭介

緣    投   無      啥      物  稀 奇，有    錢     的   踢   一     邊，

iân-tâu bô-siánn-mih hi-kî    ū-tsînn--ê that tsi̍t pinn

看          來       看      去  猶  是 有 氣    魄   的   人     較     佮 意。

khuànn lâi khuànn khì iah sī  ū khì-phik ê lâng khah kah-ì

風       啊～       請   你     將      我 的 愛    情       吹      向       天      邊，

hong ah    tshiánn lí tsiong guá ê  ài-tsîng tshe hiòng thinn-pinn

化      成     雨    水   沃     醒     不     解    情  意 的 伊。

huà sîng hōo-tsuí ak tshínn put-kái tsîng-ì  ê  i

一     陣       風    一 句   話， 一  滴   雨      水   一   分    痴，

tsi̍t tsūn hong tsi̍t kù uē   tsi̍t tih hōo-tsuí tsi̍t hun tshi

用       真      情      編    織 的    夢   比   花  蜜     較     甜，

iōng tsin-tsîng pian-tsit ê bāng pí hue bi̍t khah tinn

短 短 的   感      情     路， 卻     是    千       萬  年。

té té  ê kám-tsîng lōo khiok-sī tshian-bān nî

痴        情   無      啥      物 意 義，有 勢   的       請     一    邊，

tshi-tsîng bô-siánn-mih ì-gī    ū-sè--ê tshiánn tsi̍t pinn

想      來     想    去   猶 是 有 理    想   的   人     較     佮 意。

siūnn lâi siūnn khì iah sī  ū  lí-sióng ê lâng khah kah-ì

月     啊～      請   你  照      明     阮  的  感      情     路，

ge̍h ah    tshiánn lí tsiò-bîng gún ê kám-tsîng lōo

毋      通     予     阮  毋   知  何  去  何     從。

m̄-thang hōo gún m̄ tsai hô khì hô tsiông

一      場       夢    一      段      情， 一  滴   目    屎  一     陣  悲，

tsi̍t tiûnn bāng tsi̍t tuānn tsîng tsi̍t tih ba̍k-sái tsi̍t tsūn pi

用     思     念     編     織 的   夢     永    遠    咧   纏   綿，

iōng su-liām pian-tsit ê bāng íng-uán teh tînn mî

酸       甘      甜 的    情    路， 夢    圓   等  何  時。

sng-kam-tinn ê tsîng lōo bāng înn tán hô-sî

(REPEAT)