桂花巷

桂花巷

演唱：潘越雲
作詞：吳念真
作曲：陳揚

想        我  一   生  的 運    命，  親          像       風       吹      拍     斷     線，

siūnn guá it-sing ê ūn-miā  tshin-tshiūnn hong-tshe phah tn̄g suànn

隨     風     浮     沉  無 依 倚，這       山       飄      浪   過  彼     山，

suî hong phû-tîm bô i-uá   tsit suann phiau lōng kè hit suann

一 旦    落    土   犁   頭         看， 只   存   枝  骨  身 已 爛，

it-tàn lo̍h thóo lê thâu khuànn tsí tsûn ki kut sin í nuā

啊..... 只   存  枝  骨   身 已 爛。

ah    tsí tsûn ki kut sin í nuā

花     蕊    較   䆀  嘛     開   一   擺， 偏        偏        春       風     等    袂  來，

hue-luí khah bái mā khui tsi̍t pái phian-phian tshun-hong tán buē lâi

只   要   根     頭    猶     原     在， 毋     驚   枝   葉    受    風      颱，

tsí-iàu kun thâu iah guân-tsāi   m̄-kiann ki hio̍h siū hong-thai

啥人    知   花    等    人      採，已   經    霜     降   日  落   西，

siáng tsai hue tán lâng tshái   í-king sng kàng li̍t lo̍h sai

啊..... 已  經    霜      降  日  落   西。

ah     í-king sng kàng li̍t lo̍h sai

風         吹   身     軀   桂    花    命，若 來     想     起   心    就      疼，

hong tshe sin-khu kuì-hue miā  nā lâi siūnn-khí sim tio̍h thiànn

恩    怨  如 煙   皆    當        散，禍  福      當       做      天    註     定，

un-uàn lû ian kai tong suánn hō hok tòng-tsuè thinn tsù-tiānn

往     事  何   必   越      頭        看， 共 伊  當      做       夢     一     般，

óng-sū hô-pit ua̍t-thâu khuànn kā  i tòng-tsuè bāng tsi̍t puann

啊..... 共 伊   當       做      夢    一     般。

ah     kā  i tòng-tsuè bāng tsi̍t puann