再會啦心愛的無緣的人

再會啦心愛的無緣的人

演唱：施文彬
作詞：熊天益
作曲：熊天益

春         雨        像     彼     齣    過   去 的    夢，有  心    人     故  意  予    淋，

tshun hōo tshiūnn hit tshut kè-khì ê bāng  ū-sim lâng kòo-ì hōo lâm

已  經  毋     願     閣     再  期   待 ， 傷      心     人   無   目    屎。

í-king m̄-guān koh-tsài kî-thāi siong-sim lâng bô ba̍k-sái

總          是   阮  多     情    啦！  遮    爾  軟    心       肝，

tsóng--sī gún to-tsîng lah  tsiah-nī nńg sim-kuann

這   無   奈  的  感       情      才  會 無  來 無    煞。

tse bô-nāi ê kám-tsîng tsiah ē bô lâi bô suah

*到     今    算   來  十     偌      冬，等      待   花    蕊  猶  未   紅，

kàu-tann sǹg lâi tsa̍p guā tang  tán-thāi hue-luí iah-bē âng

原           諒   多    情   的  我， 愈    想   愈 毋    願。

guân-liōng to-tsîng ê guá   lú siūnn lú m̄-guān

再      會   啦！ 心  愛 的 無   緣  的  人，若  無 愛   石        頭    嘛  無      彩     工，

tsài-huē lah  sim-ài  ê bô-iân ê lâng  nā bô ài tsio̍h-thâu mā bô-tshái-kang

過   去        像      一     齣       戇      人  的  故   事  無    聊  的   夢。

kè-khì tshiūnn tsi̍t tshut gōng lâng ê kòo-sū bô-liâu ê bāng

再      會   啦！ 心  愛 的 無   緣  的  人， 六    月  的  茉   莉   遐   爾 仔    芳，

tsài-huē lah  sim-ài  ê bô-iân ê lâng  la̍k-ge̍h ê ba̍k-nī hiah-nī-á phang

祝        福  你   親          像         春        天  的   花   蕊   遐   爾 仔  紅。

tsiok-hok lí tshin-tshiūnn tshun-thinn ê hue-luí hiah-nī-á âng

秋          天   的   黃      昏  日     頭    落       山，有  心     人     金    金    甲       看，

tshiu-thinn ê hông-hun li̍t-thâu lo̍h-suann  ū-sim lâng kim-kim kah khuànn

若  是 伊 對   阮     攏   無  愛， 傷      心     人   無   目    屎。

nā-sī   i tuì gún lóng bô ài  siong-sim lâng bô ba̍k-sái

總          是   阮  多     情    啦！ 遐    爾  軟    心       肝，

tsóng--sī gún to-tsîng lah  hiah-nī nńg sim-kuann

這   無   奈  的  感       情      才  會 無  來 無    煞。

tse bô-nāi ê kám-tsîng tsiah ē bô lâi bô suah

(REPEAT)