阿嬤的話

 阿嬤的話

演唱：蕭煌奇
作詞：蕭煌奇
作曲：蕭煌奇

佇 細     漢 的  時   陣    阮   阿 媽   對   我     上    好，

tī suè-hàn ê  sî-tsūn gún a-má tuì guá siōng hó

共    上     好 的    物        件       攏 會  留   予    我，

kā siōng hó ê mn̍gh-kiānn lóng ē lâu hōo guá

伊 嘛      定      定      𤆬    我   去  (ようちえん)      看        人   咧   𨑨  迌，

i   mā tiānn-tiānn tshuā guá khì (yō-chi-en) khuànn lâng teh tshit-thô

看             人    咧   辦       公     夥 仔，    看        人    咧   覕    相    揣。

khuànn lâng teh pān-kong-hé-á   khuànn lâng teh bih-sio-tshē

伊  定        定   共   阮      講， 叫     阮    著  愛 好   好 仔  讀       冊，

i  tiānn-tiānn kā gún kóng  kiò gún tio̍h ài hó-hó á tha̍k-tsheh

毋     通     大     漢        像     恁  老   爸 仔  遐   爾 仔   狼     狽     喔，

m̄-thang tuā-hàn tshiūnn lín lāu-pē á hiah-nī-á lông-puē ooh

佇 彼 个 時    陣     阮     攏       聽       攏   無，

tī  hit ê  sî-tsūn gún lóng thiann lóng bô

阿 媽， 你 到    底  是 咧      講       啥    貨，

a-má    lí tàu-tué sī teh kóng siánn-hè

大      漢   了    後    才    知      影 阿  媽 的 話，

tuā-hàn liáu-āu tsiah tsai-iánn a-má ê  uē

我   會  共   永    遠   永     遠     囥  佇  心       肝     底。

guá ē  kā íng-uán íng-uán khǹg tī sim-kuann tué

*想      著    一    步    一    步  的  過   去，

siūnn tio̍h tsi̍t pōo tsi̍t pōo ê  kè-khì

定           定     攏  會  予     人     真  難      忘，

tiānn-tiānn lóng ē hōo lâng tsin lân-bōng

時   間   一    分  一    秒   咧  過   去，

sî-kan tsi̍t hun tsi̍t bió teh kè-khì

佇  阮 的  心   內    定       定      攏  會    想     著 伊。

tī gún ê sim-lāi tiānn-tiānn lóng ē siūnn tio̍h i

阿 媽， 你 這    馬 佇 佗   位， 阮   咧    叫 你，你  敢  有    聽      著，

a-má    lí tsit-má tī  tó-uī   gún teh kiò lí     lí kám ū thiann tio̍h

阮    的 認    真   佮     阮 的   成       功  你  敢  有      看       著，

gún ê  līn-tsin kah gún ê sîng-kong lí kám ū khuànn tio̍h

阮      咧  叫 你， 你 知      影   無。

gún teh kiò lí     lí tsai-iánn bô

阿 媽， 你 這    馬  過   了  好  無，  敢 有   人    咧  共 你  照      顧，

a-má    lí tsit-má kè liáu hó bô  kám ū lâng teh kā lí tsiàu-kòo

希     望   後  世    人    阮    閣  會    當   來   予  你    疼，

hi-bāng āu-sì-lâng gún koh ē-tàng lâi hōo lí thiànn

做    你 永    遠  的  孫  仔， 閣    叫 你 一      聲  阿  媽。

tsuè lí íng-uán ê sun-á    koh kiò lí tsi̍t siann a-má

(REPEAT)