失戀雨

失戀雨

演唱：黃乙玲
作詞：許常德/武雄
作曲：林東松

雨        聲   滴 佇    城      市  彼   條    路，

hōo siann tih tī siânn-tshī hit tiâu lōo

擾      亂      滿     天     寂      寞    拜  六   這  下  晡，

liáu-luān muá thinn siok-bo̍k pài la̍k tsit ē-poo

當           初    咱  來  熟   似  彼   一   幕，

tong-tshoo lán lâi si̍k-sāi hit tsi̍t bōo

閣       再     重    演    我 的  心   內 的 思    慕。

koh-tsài tiông ián guá ê sim-lāi ê  su-bōo

*真    心    變      卦  為  何      看       無   信   號，

tsin-sim piàn-kuà uī-hô khuànn-bô sìn-hō

親            像        情     路    頂     面       看      無   安    全      島，

tshin-tshiūnn tsîng lōo tíng-bīn khuànn-bô an-tsuân tóo

　

我     心   內 的    痛        苦      攏      變      做   失    戀    雨，

guá sim-lāi ê thòng-khóo lóng piàn-tsuè sit-luân hōo

閣    繼     續   無     情    一 直  落。

koh kè-sio̍k bô-tsîng it-ti̍t lo̍h

失    戀     雨   無  緣   無   故   無      情     淋    著    我  的 愛，

sit-luân hōo bô iân bô kòo bô-tsîng lâm tio̍h guá ê  ài

山       盟     海  誓 如   今     攏      哭      成   大    海，

san-bîng-hái-sè lû-kim lóng khàu sîng tuā-hái

雨         傘   已 攑    在  你   手        中， 你  煞      囥  伊 在    心   內，

hōo-suànn í gia̍h tsāi lí tshiú-tiong   lí suah khǹg i tsāi sim-lāi

朋      友   攏         看     過 你 對 伊  關      懷。

pîng-iú lóng khuànn kè lí  tuì i kuan-huâi

失    戀     雨  愈  落  愈 大  愈  大  愈  愛 你   敢    知，

sit-luân hōo lú lo̍h lú tuā lú tuā lú  ài   lí kám tsai

淋     甲    澹     糊      糊  的  我 已 無   目    屎，

lâm kah tâm-kôo-kôo ê guá í  bô ba̍k-sái

無      情   的  人    袂    閣     轉     來， 冷      風       騙      阮   去     相    愛，

bô-tsîng ê lâng buē koh tńg--lâi   ling hong phiàn gún khì siong-ài

往      事  閣  有 你  存     在。

óng-sū koh ū  lí tsûn-tsāi

(REPEAT)

想        起 你   當         初   的 愛， 如   今     孤        單    在  人  海，

siūnn-khí lí tong-tshoo ê  ài     lû-kim koo-tuann tsāi lîn hái

幸       福    隨    著    目    屎 來。

hīng-hok suî tio̍h ba̍k-sái lâi