別人的

別人的

演唱：徐若瑄

作詞：徐若瑄

作曲：陳冠甫

你  笑  微 微 叫  阮     放   心   去，

 lí tshiò-bi-bi kiò gún hòng-sim khì

我   知    影 你 毋   甘  阮  離 開，
guá tsai-iánn lí  m̄-kam gún lī-khui

你  講     全    世界   阮    上     可 愛   上   媠，
 lí kóng tsuân sè-kài gún siōng khó-ài siōng suí

恬     恬      講   白    賊  的  人  毋 甘   阮。
tiām-tiām kóng-pe̍h-tsha̍t ê lâng m̄-kam gún

請       你  著 愛   照    顧 你 家己，
tshiánn lí tio̍h-ài tsiàu-kòo lí  ka-kī

我    知   影 你  毋甘    阮  離開，
guá tsai-iánn lí  m̄-kam gún lī-khui

你  講   人   生  無    願    望   哪 有 趣味，
 lí kóng lîn-sing bô guān-bōng ná  ū  tshù-bī

半      好     半    䆀   攏  是 滋味。
puànn hó puànn bái lóng sī  tsu-bī
 
今仔日 你  牽    阮 的 手，
kin-á-li̍t  lí khan gún ê tshiú

你   疼     阮 的 心  我    攏   知   影，
 lí thiànn gún ê sim guá lóng tsai-iánn

阮  毋 是 別   人 的，免     煩  惱   傷    心  話，
gún m̄ sī pa̍t-lâng ê    bián huân-ló siong-sim-uē

我   永   遠 是 你 的 是 你 的 寶貝。
guá íng-uán sī  lí  ê    sī  lí   ê  pó-puè

**明仔載     換    我    牽 你 的 手，
   bîn-á-tsài uānn guá khan lí  ê tshiú

我      疼  你 的 心   予 你 知  影，
guá thiànn lí  ê sim hōo lí tsai-iánn

阮  毋 是 別  人 的，免    感   覺 會   歹   勢，
gún m̄ sī pa̍t-lâng ê   bián kám-kak ē pháinn-sè

我   永   遠 是 你 的 是 你 的 心     肝    寶  貝。
guá íng-uán sī  lí   ê   sī   lí  ê  sim-kuann pó-puè

(Repeat)
 
車     直直  開  未來 佇 佗位，
tshia ti̍t-ti̍t khui bī-lâi tī  tó-uī

我   毋  願  你    看       見   阮 的 面，
guá m̄-guān lí khuànn-kìnn gún ê bīn

你   講   人     攏 會 分   開    早 慢 的 代誌，
 lí kóng lâng lóng ē hun-khui tsá-bān ê tāi-tsì

恬      恬   流  目  屎 的 阮  毋 甘  你。
tiām-tiām lâu ba̍k-sái ê gún m̄-kam lí

放   你 的 歌 是 阮   咧    想  你，
pàng lí ê  kua sī gún teh siūnn lí

我     上  愛 你    唱      歌 的  聲  音，
guá siōng ài lí tshiùnn-kua ê siann-im

你  講   人  生  愛     歡  喜   才 有 趣  味，
lí kóng lîn-sing ài huann-hí tsiah ū tshù-bī

是 好 是 䆀   攏 是  家己。
sī  hó sī  bái lóng sī ka-kī
 
(Repeat)