電車內面

電車內面

演唱：江蕙
作詞：巫宇軒
作曲：巫宇軒

坐 佇   電     車  內   面，對  面   一 个 女 人，

tsē tī tiān-tshia lāi-bīn tuì-bīn tsi̍t ê lú-lîn

捾          著   一   跤    行  李，毋  知   欲   去  佗 位，

kuānn-tio̍h tsi̍t kha hîng-lí    m̄ tsai beh khì tó-uī

電    話    聲       響     起，伊     寬          寬      拍      開     手   機，

tiān-uē siann hiáng khí     i khuann-khuann phah khui tshiú-ki

講     無   兩  字，目  屎   流    袂  離，驚     人       看       見。

kóng bô nn̄g lī   ba̍k-sái lâu-buē-lī kiann lâng khuànn-kìnn

坐  佇  電     車   內   面，彼  爿   一  對    男  女，

tsē tī tiān-tshia lāi-bīn  hit pîng tsi̍t tuì lâm-lú

仝          款     一   跤    行  李，毋 知   欲   去  佗 位，

kāng-khuán tsi̍t kha hîng-lí    m̄ tsai beh khì tó-uī

提     一     疊     相        片，𪜶  那      看     那 倚 那  甜，

the̍h tsi̍t tha̍h siòng-phìnn   in ná khuànn ná uá ná tinn

講       話 咬 耳， 愈   笑   愈    歡    喜，  像     無    人      看        見。

kóng-uē kā hī     lú tshiò lú huann-hí tshiūnn bô lâng khuànn-kìnn

*電     車    載   咱  離   開  這 个  城     市，

tiān-tshia tsài lán lī-khui tsit ê siânn-tshī

紮       著   無    仝      款   的 記持，

tsah-tio̍h bô kāng-khuán ê kì-tî

是    春       天 的  花   蕊，

sī tshun-thinn ê hue-luí

是   冬      天   落     雨  暝，

sī tang-thinn lo̍h-hōo mî

是   秋      天     枯    葉   落    塗      望    新  穎，

sī tshiu-thinn koo hio̍h lo̍h-thôo bāng sin ínn

人       講   人     生  一     齣  戲，

lâng kóng lîn-sing tsi̍t tshut hì

好  䆀   目   一   𥍉，

hó bái ba̍k tsi̍t nih

主    角 是  我  也 是 你。

tsú-kak sī guá iā-sī lí

(REPEAT)

坐  佇  電    車   內   面，  想    起  彼  年   秋       天，

tsē tī tiān-tshia lāi-bīn siūnn-khí hit nî tshiu-thinn

我       捾     一   跤    行  李，毋 知    欲   去  佗 位，

guá kuānn tsi̍t kha hîng-lí    m̄ tsai beh khì tó-uī

只     想   欲   離  開， 彼 時   提    相       片  的 伊，

tsí siūnn beh lī-khui  hit sî the̍h siòng-phìnn ê i

無     情  的  冷   氣，目   屎  流  焦  墘，  驚     人       看        見。

bô-tsîng ê líng-khì ba̍k-sái lâu ta kînn kiann lâng khuànn-kìnn

電       車     載 咱  離  開， 抑 是  載   咱   轉    去。

tiān-tshia tsài lán lī-khui  ia̍h-sī tsài lán tńg--khì