手紙

手紙

演唱：吳申梅
作詞：徐偉銘
作曲：徐偉銘

燕  仔   天     頂   飛，認   真    做      工       課，

ìnn-á thinn-tíng pe   līn-tsin tsuè khang-khuè

日    頭   落     山    為   著    生     活  玲    瑯    踅。

li̍t-thâu lo̍h-suann uī-tio̍h sing-ua̍h lin-long-se̍h

細     漢  離  開  家，序 大    叮     嚀 過，

suè-hàn lī-khui ke   sī-tuā ting-lîng kè

孤        單        伴      阮  毋  知   過 幾  暝。

koo-tuann phuānn gún m̄ tsai kè kuí mî

*問     食   飽  未，問  會 冷  未，

mn̄g tsia̍h pá bē  mn̄g ē líng bē

攏    是 爸  母 𪜶  逐    工  的   關    心   話。

lóng sī pē-bú in ta̍k kang ê kuan-sim uē

才    會  體   會     樹  會 大  愛  用     心   栽    培，

tsiah ē thé-huē tshiū ē tuā ài iōng-sim tsai-puê

感       謝 過  去   付    出   無  怨    悔。

kám-siā kè-khì hù-tshut bô uàn hué

**我 一   生  毋  捌     講      出    心   內 彼  一  句  話，

  guá it-sing m̄ bat kóng tshut sim-lāi hit tsi̍t kù uē

有  心  事   囥   佇 心   底   欲     講  無  機  會，

ū sim-sū khǹg tī sim tué beh kóng bô ki-huē

一      張      批   代    表   阮  希    望   恁      看      予     詳    細，

tsi̍t tiunn phue tāi-piáu gún hi-bāng lín khuànn hōo siông-sè

頂      面  寫    出     阮    滿    滿  的 話。

tíng-bīn siá tshut gún muá-muá ê uē

(REPEAT)

閣   有  幾 句 話， 親       手   寫  幾   回，

koh ū kuí kù uē  tshin-tshiú siá kuí huê

就   愛  保    重    身   體   每   日    快    樂  過。

tio̍h ài pó-tiōng sin-thé muí-li̍t khuài-lo̍k kè

花     謝  落    塗   地，緣   份      天      控      制，

hue siā lo̍h-thôo tuē  iân-hūn thinn khòng-tsè

希    望   後  世   人    閣     願    做   恁 的 寶  貝。

hi-bāng āu-sì-lâng koh guān tsuè lín ê pó-puè