鹹汫

鹹汫

演唱：曹雅雯

作詞：曹雅雯

作曲：曹雅雯

少      年   眠     夢   無    天   無  地

siàu-liân bîn-bāng bô thinn bô tuē

直  溜  溜 毋    知    通     踅    彎

ti̍t-liu-liu m̄-tsai thang se̍h-uan

也   鹹  也    汫   有 冷  有 暖
iā kiâm iā tsiánn ū líng ū luán

人    情   的 滋  味   遮    複    雜
lîn-tsîng ê tsu-bī tsiah ho̍k-tsa̍p

懵          懵     懂     懂    若   風   若   雨
bóng-bóng-tóng-tóng ná hong ná hōo

彎       曲       痛       疼    的  感    情     路
uan-khiau thàng-thiànn ê kám-tsîng lōo

也 酸  也  甜  有 澀  有  苦
iā sng iā tinn ū siap ū khóo

才       知  付   出     無  一  定 有 結  果
tsiah tsai hù-tshut bô-it-tīng ū kiat-kó

*我     望      啊   望    等   待    編   成      一    張     網
guá bāng--ah bāng tán-thāi pian sîng tsi̍t-tiunn bāng

哪 會  網    袂    著 你 的 人    影
ná ē bāng buē-tio̍h lí ê lâng-iánn

心   內  話   一     張    一     張   寫
sim-lāi uē tsi̍t-tiunn tsi̍t-tiunn siá

窒     咧  嚨  喉   喝    無    聲
that leh nâ-âu huah bô-siann

伊  想      啊    想  已  經      拍 毋 見   的 模     樣
i siūnn--ah siūnn í-king phàng-kìnn ê bôo-iūnn

日  子  猶   閣  會  當      行    偌   久
li̍t-tsí iáu-koh ē-tàng kiânn guā kú

伊   想     啊    想    目   睭       漸      漸    起     雺   霧
i siūnn--ah siūnn ba̍k-tsiu tsiām-tsiām khí bông-bū

(REPEAT)

你  敢 有    聽     著    這   條   歌

lí kám ū thiann-tio̍h tsit tiâu kua

你 佇 遐   敢  有  人     做      伴
lí   tī hia kám ū-lâng tsuè-phuānn

若  是    想    起 你 我    就    輕    輕        唱        出      聲
nā-sī siūnn-khí lí guá tio̍h khin-khin tshiùnn tshut-siann

你  敢 會   聽?  你  敢 有    聽?
lí kám ē thiann lí kám ū thiann

(REPEAT)

**我     想     啊      想   目   睭     漸       漸    起     雺    霧
guá siūnn--ah siūnn ba̍k-tsiu tsiām-tsiām khí bông-bū