輕輕叫出聲

輕輕叫出聲

演唱：陳美鳳
作詞：游鴻明
作曲：游鴻明

揣     無  一  句   薄     情    語，   看     你 離   開，

tshē bô tsi̍t kù po̍k-tsîng gú  khuànn lí  lī-khui

舊   情     纏    綿   情    刀   情      劍    難   斷    情  絲。

kū tsîng tînn mî tsîng to tsîng kiàm lân tn̄g tsîng si

愛  阮   偌     濟    無   問  你，無    問  過   去，

ài gún guā-tsuē bô mn̄g lí    bô mn̄g kè-khì

猶    原      相     信  愛  阮  毋 是  假   情   假 意。

iu-guân siong-sìn ài gún m̄  sī  ké tsîng ké ì

感       情    世   界     漂   流  幾   若 年，

kám-tsîng sè-kài phiau liû kuí-nā nî

心    內 的 期   待  無   人  應，

sim-lāi ê  kî-thāi bô lâng ìn

等  愛  到  如   今， 溫  柔 的 心 已  經    冷。

tán ài kàu lû-kim   un-liû ê sim í-king líng

將       你  輕     輕   叫    出       聲，   深       深  你 的 名，

tsiong lí khin khin kiò tshut siann tshim tshim lí  ê miâ

將       你  輕    輕    叫    出       聲，   望  你 相 依 倚，

tsiong lí khin khin kiò tshut siann bāng lí sio  i-uá

看            人  為   情     走      天     涯，

khuànn lâng uī tsîng tsáu thian-gâi

阮   是 有 愛  無   人    知，

gún sī  ū  ài  bô lâng tsai

想     你 的   聲，  想   你 會   驚，是 阮  的 命。

siūnn lí  ê siann siūnn lí  ē kiann sī gún ê miā

將       你  輕     輕   叫    出       聲，   深       深  你 的 名，

tsiong lí khin khin kiò tshut siann tshim tshim lí  ê miâ

將       你  輕    輕    叫    出       聲，   望  你 相 依 倚，

tsiong lí khin khin kiò tshut siann bāng lí sio  i-uá

這      段   有   情  的 期   待，

tsit tuānn ū tsîng ê  kî-thāi

換      來  心       疼    無   人    知，

uānn lâi sim thiànn bô lâng tsai

望     你 會    聽，  望  你 的  影， 望   彼   一    工，

bāng lí  ē thiann bāng lí ê iánn bāng hit tsi̍t kang

講        予 你  知    影。

kóng hōo lí tsai-iánn

(REPEAT)