一張批

一張批

演唱：董育君
作詞：蕭進惠
作曲：蕭進惠

*感    謝 你  予   我  愛 過，

kám-siā lí hōo guá ài kè

予     我    心      疼    也   遮     濟，

hōo guá sim thiànn iā tsiah tsuē

恨     我   家 己   袂   覺       醒，

hūn guá ka-kī buē kak-tshínn

無  資    格  會   當     講    後    悔，

bô tsu-keh ē-tàng kóng hiō-hué

我     恨    我  無     控     制，

guá hūn guá bô khòng-tsè

感       情      予 你   提   去   賣，

kám-tsîng hōo lí the̍h khì buē

一   粒    心  佇   風       中   飛  吼  規  暝。

tsi̍t lia̍p sim tī hong tiong pe háu kui mî

**我  會 流    著    目   屎 佇 遮   坐，

  guá ē lâu-tio̍h ba̍k-sái tī tsia tsē

等  你 轉     來    講        歹     勢，

tán lí tńg--lâi kóng pháinn-sè

予   你  知     影   一  个 人  有  偌      歹    過，

hōo lí tsai-iánn tsi̍t ê lâng ū guā pháinn kè

我   會 一    工    寫    著   一     張      批，

guá ē tsi̍t kang siá-tio̍h tsi̍t tiunn phue

叫 你  轉     來    講    後    悔，

kiò lí tńg--lâi kóng hiō-hué

我     欲   叫 你   騙     我 的 話   攏   收  回。

guá beh kiò lí phiàn guá ê uē lóng siu-hê

(REPEAT)