檸檬愛玉

檸檬愛玉

演唱：江蕙/方炯鑌
作詞：武雄
作曲：方炯鑌

也    芳        芳    也  甜    甜，

iā phang phang iā tinn tinn

也 有  少    年  時，  青        春   的 記 持。

iā  ū siàu-liân sî  tshing-tshun ê  kì-tî

也  酸   酸  也   冰    冰，

iā sng sng iā ping ping

也   親         像     愛    情， 難     忘   的 滋  味。

iā tshin-tshiūnn ài-tsîng  lân-bōng ê tsu-bī

上       溫  柔     上     纏   綿，

siōng un-liû siōng tînn mî

上        蓋  得    人  意， 初      戀   彼    當   時。

siōng-kài tit-lâng-ì   tshoo-luân hit tong-sî

想         著 伊  夢      著 伊，

siūnn-tio̍h i bāng-tio̍h i

心      涼   脾    土     開， 五      種   的 氣  味。

sim liâng pî-thóo khui  gōo tsióng ê khì-bī

薁 蕘   佮  檸     檬  一  旦  若    分    開，

ò-giô kah lê-bóng it-tàn nā hun-khui

有    聽    過   人     講    叫    病      相    思，

ū thiann kè lâng kóng kiò pīnn-siunn-si

若  無 你 啊 你 心    花    袂    開，

nā-bô lí  ah lí sim-hue buē khui

做       啥       物    攏   無    元     氣。

tsuè siánn-mih lóng bô guân-khì

愛 毋 是 好      聽    話    講    規  暝，

ài  m̄ sī  hó thiann uē kóng kui mî

真       情   話 也 毋    免     三    五  字，

tsin-tsîng uē iā m̄-bián sann gōo lī

我      願  意  陪        伴       踮  你 身    邊，

guá guān-ì puê-phuānn tiàm lí sin-pinn

做     一   對    上    四    配    人      人   欣     羨  的     伴    侶。

tsuè tsi̍t tuì siōng sù-phè lâng-lâng him-siān ê phuānn lū

夢        成      雙   咱   兩    人     攏  有 意，

bāng sîng siang lán nn̄g lâng lóng ū  ì

這      段      情     就  毋     通     閣   躊  躇，

tsit tuānn tsîng tio̍h m̄-thang koh tiû-tû

只   要 你 陪        伴       踮     阮   身    邊，

tsí-iàu lí puê-phuānn tiàm gún sin-pinn

薁 蕘  檸    檬     就  是  兩 个 有  情     人， 愛 的 名 字。

ò-giô lê-bóng tio̍h sī nn̄g ê  ū tsîng lâng   ài ê miâ-lī

(REPEAT)