陀螺

陀螺

演唱：江蕙
作詞：黃中原
作曲：黃中原

*這    段      情     路   踅     啊   踅   踅     啊   踅，

tsit tuānn tsîng lōo se̍h--ah se̍h se̍h--ah se̍h

女 人 的  夢      天      真    到     徹   底，

lú-lîn ê bāng thian-tsin kàu thiat tué

越      頭  猶    原     孤   一 个。

ua̍t-thâu iu-guân koo tsi̍t ê

你 的 形       影    踅     啊  踅   踅      啊  踅，

lí   ê hîng-iánn se̍h--ah se̍h se̍h--ah se̍h

退    色 的   夢   倚 佇 阮    心  底，

thè-sik ê bāng uá tī gún sim tué

紛      紛    心   事   亂     亂   飛。

hun-hun sim-sū luān luān pe

**人   講    人    生     親          像      干    樂   踅  來  又  踅  去，

lâng kóng lîn-sing tshin-tshiūnn kan-lo̍k se̍h lâi iū se̍h khì

踅    袂    完  的  鹹      酸    甜，

se̍h buē uân ê kiâm-sng-tinn

阮   的 思    念     親          像     干    樂  踅   來 又  踅   去，

gún ê  su-liām tshin-tshiūnn kan-lo̍k se̍h lâi iū se̍h khì

鑽     入   心      肝        拍     袂    開，

tsǹg-li̍p sim-kuann phah buē khui

你 是   窗       外     秋       天   的 雨  來 來 又  去   去，

lí   sī thang-guā tshiu-thinn ê hōo lâi lâi iū khì khì

愛  阮     傷     阮     仝    一  暝，

ài gún siong gún kāng tsi̍t mî

才       知   阮  是 你 的 干    樂  飛    出     感      情    的   線，

tsiah tsai gún sī  lí  ê kan-lo̍k pe tshut kám-tsîng ê suànn

跋          落    塗     跤   踅   規  暝。

pua̍h--lo̍h thôo-kha se̍h kui mî

(REPEAT)