受傷的心

受傷的心

演唱：黃乙玲
作詞：吳宗憲
作曲：吳宗憲

*受    傷   的 心 已   經   無   閒，

siū-siong ê sim í-king bô-îng

無   閒      聽    你 閣      講     分    明，

bô-îng thiann lí koh kóng hun-bîng

就     欲  離  開   的  行  李 內，

tsiū beh lī-khui ê hîng-lí lāi

揣     無 你 我  的   將      來。

tshē bô lí guá ê tsiong-lâi

女 人 的 心   嘛   真     堅     定，

lú-lîn ê sim mā tsin kian-tīng

閣      再     講     感     覺    袂   著 你 的 愛  情，

koh-tsài kóng kám-kak buē tio̍h lí  ê  ài-tsîng

這     張    無  留   住   址 的  批，

tsit tiunn bô lâu tsū-tsí ê phue

代     表    阮   永    遠    袂   後    悔。

tāi-piáu gún íng-uán buē hiō-hué

**啊～ 傷      心      傷     心 的 話，

   ah  siong-sim siong-sim ê uē

請         你   囥  佇 你 的 心       肝    底，

tshiánn lí khǹg tī  lí  ê sim-kuann tué

無   論     天     涯  抑  是 海    角，

bô-lūn thian-gâi ia̍h-sī hái kak

阮     永    遠   欲    走     予 你  揣。

gún íng-uán beh tsáu hōo lí tshē

啊～  愛   情   愛    情   是 假，

ah    ài-tsîng ài-tsîng sī  ké

何   必     聲       聲    句   句   欲   挽   回，

hô-pit siann-siann-kù-kù beh bán-hê

若  是  日   頭   對   西    爿     出    來，

nā-sī  li̍t-thâu tuì sai-pîng tshut-lâi

阮    猶 是  決       定   欲     走    予  你 揣。

gún iah sī kuat-tīng beh tsáu hōo lí tshē

(REPEAT)