遠走高飛
演唱：江蕙作詞：陳子鴻
作曲：陳子鴻
天 光 以 後 我 就 欲 離 開，
thinn-kng í-āu guá tio̍h beh lī-khui
過 去 一 切， 莫 閣 講 起，
kè-khì it-tshè mài koh kóng-khí
毋 敢 越 頭 決 定 欲 離 開，
m̄ kánn ua̍t-thâu kuat-tīng beh lī-khui
放 棄 一 切， 遠 走 高 飛。
hòng-khì it-tshè uán tsáu ko hui
*欲 講 的 話， 講 袂 出 喙，
beh kóng ê uē kóng buē tshut tshuì
愛 聽 的 歌， 毋 敢 聽 見，
ài thiann ê kua m̄ kánn thiann--kìnn
情 歌 攏 是 關 於 咱 的 代 誌，
tsîng-kua lóng sī kuan-î lán ê tāi-tsì
愈 聽 阮 心 情 愈 傷 悲。
lú thiann gún sim-tsîng lú siong pi
天 光 以 後 我 就 欲 離 開，
thinn-kng í-āu guá tio̍h beh lī-khui
所 有 一 切， 莫 閣 想 起，
sóo-ū it-tshè mài koh siūnn-khí
從 今 以 後 我 已 經 離 開，
tsiông kim í-āu guá í-king lī-khui
海 角 天 邊，遠 走 高 飛。
hái kak thinn-pinn uán tsáu ko hui
(REPEAT)
**你 問 我 欲 去 佗 位？ 我 猶 未 決 定。
lí mn̄g guá beh khì tó-uī guá iah-bē kuat-tīng
你 問 我 當 時 轉 來？ 其 實 我 家 己 嘛 毋 知。
lí mn̄g guá tang-sî tńg--lâi kî-si̍t guá ka-kī mā m̄ tsai
只 想 欲 一 个 人 恬 恬 離 開。
tsí siūnn beh tsi̍t ê lâng tiām-tiām lī-khui
海 角 天 邊，遠 走 高 飛。
hái kak thinn-pinn uán
tsáu ko hui
No comments:
Post a Comment