愛作夢的人
演唱：蕭煌奇作詞：胡如虹
作曲：蕭煌奇
定 定 聽 人 咧 講 感 情 毋 通 閣 囥 遐 爾 重，
tiānn-tiānn thiann lâng teh kóng kám-tsîng m̄-thang koh khǹg hiah-nī tāng
才 袂 有 傷 濟 的 向 望 煞 無 法 度 放，
tsiah buē ū siunn tsuē ê ǹg-bāng suah bô-huat-tōo pàng
愛 情 來 的 彼 一 工， 聽 較 濟 嘛 仝 款，
ài-tsîng lâi ê hit tsi̍t kang thiann khah tsuē mā kāng-khuán
猶 原 共 心 交 予 別 人 猶 原 愛 做 夢。
iu-guân kā sim kau hōo pa̍t-lâng iu-guân ài tsuè bāng
*只 要 有 你 做 伙 眠 夢 我 心 甘 情 願，
tsí-iàu ū lí tsuè-hé bîn-bāng guá sim kam tsîng-guān
去 做 一 个 人 講 的 戇 人，
khì tsuè tsi̍t ê lâng kóng ê gōng lâng
春 夏 秋 冬 日 思 夜 夢 只 為 一 句 話，
tshun-hā tshiu-tang li̍t su iā bāng tsí uī tsi̍t kù uē
一 句 你 是 我 一 生 最 愛 的 人。
tsi̍t kù lí sī guá it-sing tsuè ài ê lâng
是 毋 是 有 一 工，你 會 變 佮 我 仝 款，
sī m̄ sī ū tsi̍t kang lí ē piàn kah guá kāng-khuán
心 內 蹛 一 个 人， 開 始 變 甲 愛 做 夢。
sim-lāi tuà tsi̍t ê lâng khai-sí piàn kah ài tsuè bāng
啥 物 是 永 遠， 啥 物 時 陣 愛 戇 戇 等，
siánn-mih sī íng-uán siánn-mih sî-tsūn ài gōng gōng tán
攏 是 真 心 付 出 青 春 的 紀 念。
lóng sī tsin-sim hù-tshut tshing-tshun ê kì-liām
**是 毋 是 咱 兩 人， 攏 是 愛 做 夢 的 人，
sī m̄ sī lán nn̄g lâng lóng sī ài tsuè bāng ê lâng
做 一 場 戀 愛 夢， 甘 願 予 風 吹 雨 淋。
tsuè tsi̍t tiûnn luân-ài bāng kam-guān hōo hong tshe hōo lâm
感 情 用 袂 完，你 我 免 驚 命 運 創 治 人，
kám-tsîng iōng buē uân lí guá bián-kiann miā-ūn tshòng-tī lâng
只 要 有 你 佮 阮 相 等 ( 做 夢 )，
tsí-iàu ū lí kah gún sio tán (tsuè bāng)
只 要 佮 你 仝 心 這 就 是 永 遠。
tsí-iàu kah lí kāng sim tse tiō sī íng-uán
(REPEAT)
人 海 茫 茫 有 時 緣 份 嘛 會 佮 咱 覕 相 揣，
lîn hái bâng-bâng ū-sî iân-hūn mā ē kah lâng bih-sio-tshē
毋 管 有 偌 濟 的 困 難 愛 偌 濟 時 間，
m̄-kuán ū guā-tsuē ê khùn-lân ài guā-tsuē sî-kan
只 要 心 內 有 希 望， 提 真 心 來 相 送，
tsí-iàu sim-lāi ū hi-bāng the̍h tsin-sim lâi sio-sàng
總 有 一 工 愛 會 變 做 美 麗 的 戀 夢。
tsóng ū tsi̍t kang ài ē piàn-tsuè bí-lē ê luân bāng
(REPEAT)
No comments:
Post a Comment