春風少年兄

春風少年兄

演唱：林強
作詞：陳世杰/林強
作曲：林強

伊 每     工     踅  來   踅   去  四  界   趖，

i  muí kang se̍h lâi se̍h khì sì-kuè-sô

若       像        食    飽  閒   閒     攏   無  代   誌     通      好   做，

ná-tshiūnn tsia̍h pá îng îng lóng bô tāi-tsì thang-hó tsuè

序  大    問  伊    將     來   到    底   欲   如  何，

sī-tuā mn̄g i tsiong-lâi tàu-tué beh lû-hô

伊  講        半        晡   逐    家  猶 是     聽       攏   無。

i  kóng puànn-poo ta̍k-ke iáu sī thiann lóng bô

春            風   微 微   吹    來  微 微    透    心       肝，

tshun-hong bî-bî tshe lâi  bî-bî thàu sim-kuann

伊 猶    原    一     人      散        散， 大      聲         唱       歌      彈  (ギター)，

i   iu-guân tsi̍t lâng suànn suànn tuā-siann tshiùnn-kua tuânn (gitaa)

朋      友 為 伊   煩    惱 為 伊 咧    頭        疼，

pîng-iú uī   i huân-ló uī   i teh thâu-thiànn

伊  講      我   老    神   在     在，    請    恁  逐    家    免      驚       惶。

i  kóng guá lāu-sîn-tsāi-tsāi tshiánn lín ta̍k-ke bián kiann-hiânn

伊  是    春       風      少     年     兄，無    人     和 伊 來   做        伴，

i    sī tshun-hong siàu-liân hiann bô lâng hām i  lâi tsuè phuānn

心       情      輕      鬆     真        快      活， 為   著  理     想    來   拍        拚。

sim-tsîng khin-sang tsin khuìnn-ua̍h   uī-tio̍h lí-sióng lâi phah-piànn

伊  是    春       風      少     年     兄， 毋 是   歌       星    無     出      名，

i    sī tshun-hong siàu-liân hiann  m̄  sī kua-tshinn bô tshut-miâ

平          常    時   就  愛      唱        歌，  歡     喜   到  地    唱       予  恁  來     聽。

pîng-siông-sî tio̍h ài tshiùnn-kua huann-hí kàu-tè tshiùnn hōo lín lâi thiann

有  一  日 伊 共  爸   母     講 伊   想     欲   離   開   去     拍        拚，

ū-tsi̍t-li̍t  i  kā pē-bú kóng i siūnn beh lī-khui khì phah-piànn

𪜶  一   時  毋  知   欲   按    怎     反     應     煞   來   袂     出       聲，

in tsi̍t-sî  m̄ tsai beh án-nuá huán-ìng suah lâi buē tshut-siann

只  有  恬      恬    搖    頭    怨      嘆    飼      囝     飼   甲      遮   爾  大，

tsí-ū tiām-tiām iô-thâu uàn-thàn tshī kiánn tshī kah tsiah-nī tuā

如   今     當       做      出       門         拍毋見     一 个   囝。

lû-kim tòng-tsuè tshut-mn̂g phàng-kiàn tsi̍t ê kiánn

伊  是    春       風      少     年     兄，無    人     和 伊 來   做        伴，

i    sī tshun-hong siàu-liân hiann bô lâng hām i  lâi tsuè phuānn

心       情      輕      鬆     真        快      活， 為   著  理     想    來   拍        拚。

sim-tsîng khin-sang tsin khuìnn-ua̍h   uī-tio̍h lí-sióng lâi phah-piànn

伊  是    春       風      少     年     兄， 毋 是   歌       星    無     出      名，

i    sī tshun-hong siàu-liân hiann  m̄  sī kua-tshinn bô tshut-miâ

平          常     時  就  愛       唱       歌，為   著  理     想    來    拍       拚。

pîng-siông-sî tio̍h ài tshiùnn-kua   uī-tio̍h lí-sióng lâi phah-piànn

伊  是    春       風      少     年     兄，無    人     和 伊 來   做        伴，

i    sī tshun-hong siàu-liân hiann bô lâng hām i  lâi tsuè phuānn

心       情      輕      鬆     真        快      活， 為   著  理     想    來   拍        拚。

sim-tsîng khin-sang tsin khuìnn-ua̍h   uī-tio̍h lí-sióng lâi phah-piànn