純情青春夢

純情青春夢

演唱：潘越雲
作詞：陳昇
作曲：鄭文魁

送    你   到  火     車       頭，  越     頭     就     做 你  走，

sang lí kàu hé-tshia-thâu   ua̍t-thâu tio̍h tsuè lí tsáu

親            像       斷      線       風      吹      雙       人      放        手     就  來  自  由 飛，

tshin-tshiūnn tn̄g suànn hong-tshe siang-lâng pàng-tshiú tio̍h lâi tsū-iû pe

阮     猶  有 幾  句  話，   想     欲   對 你 解   說，

gún iáu-ū kuí kù uē   siūnn beh tuì lí kái-seh

看          是     藏    佇  心       肝     底     較    實   在。

khuànn sī tshàng tī sim-kuann tué khah si̍t-tsāi

阮     嘛 有 逐     工     等，只     驚     等 來 的 是   絕       望，

gún mā ū ta̍k kang tán   tsí kiann tán lâi ê  sī tsua̍t-bāng

想       來    想     去   袂       當    辜    負   著       青         春       夢，   青         春      夢，

siūnn lâi siūnn khì buē-tàng koo-hū tio̍h tshing-tshun bāng tshing-tshun bāng

咱    兩     人   相        欠     債，你    欠      阮 有   較      濟，

lán nn̄g lâng sio-khiàm-tsè   lí khiàm gún ū khah tsuē

規     氣       看         破   來    扯     扯，  較    實   在。

kui-khì khuànn-phuà lâi tshé tshé  khah si̍t-tsāi

送     你  到  火     車       頭，越      頭     阮    欲  來    走，

sang lí kàu hé-tshia-thâu  ua̍t-thâu gún beh lâi tsáu

親            像       斷      線       風      吹      雙       人      放        手    就   愛 自  由 飛，

tshin-tshiūnn tn̄g suànn hong-tshe siang-lâng pàng-tshiú tio̍h ài tsū-iû pe

毋 是   阮  毋    肯     等， 時 代  已  經    無    仝，

m̄  sī gún m̄ khíng tán   sî-tāi  í-king bô kāng

查     某      人    嘛 有 家  己 的   想       法。

tsa-bóo-lâng mā ū ka-kī  ê siūnn-huat

甘         願   是 毋  捌    等，   較     贏    等  來 是 一     場       空，

kam-guān sī  m̄ bat tán   khah iânn tán lâi sī tsi̍t tiûnn khang

想       來     想    去     仝        款      辜    負   著       青         春       夢，   

siūnn lâi siūnn khì kāng-khuán koo-hū tio̍h tshing-tshun bāng 

青            春       夢，

tshing-tshun bāng

唱             歌  來  解  憂    愁， 歌       聲  是  真  溫   柔，

tshiùnn-kua lâi kái iu-tshiû kua-siann sī tsin un-liû

查     某      人    嘛 有 家  己 的   願       望。

tsa-bóo-lâng mā ū ka-kī  ê guān-bāng

阮     嘛 有 逐     工     等，只      驚    等  來 的 是  絕        望，

gún mā ū ta̍k kang tán   tsí kiann tán lâi  ê sī tsua̍t-bāng

想       來     想    去   袂      當     辜    負    著      青         春       夢，   青         春      夢，

siūnn lâi siūnn khì buē-tàng koo-hū tio̍h tshing-tshun bāng tshing-tshun bāng

毋 是   阮  毋    肯      等， 時 代  已   經   無    仝，

m̄  sī gún m̄ khíng tán    sî-tāi  í-king bô kāng

查     某      人    嘛 有 家  己 的   願       望。

tsa-bóo-lâng mā ū ka-kī  ê guān-bāng