走味的咖啡

走味的咖啡

演唱：林晏如
作詞：葉佳修
作曲：葉佳修

*人   若    問     我  無 你     怎        樣  過  日  子，

lâng nā mn̄g guá bô lí tsuánn-iūnn kè li̍t-tsí

我      攏      講   你    親         像      一    杯  咖  啡，

guá long kóng lí tshin-tshiūnn tsi̍t pue ka-pi

燒 的 時  遮    爾     芳       甜， 冷  的 時   苦      澀   無  味，

sio ê sî tsiah-nī phang tinn  ling ê  sî khóo siap bô-bī

已  經  是  真  久  毋  捌     想      著 的 過   去。

í-king sī tsin kú m̄ bat siūnn tio̍h ê kè-khì

越      頭   又   閣     輕      輕    叫 你 的 名  字，

ua̍t-thâu iū-koh khin-khin kiò lí  ê miâ-lī

想     你 是  我    生     活  唯 一 的 滋   味，

siūnn lí sī guá sing-ua̍h uî-it  ê tsu-bī

跤       步      聲   來  來   去    去， 攏   毋 是  等   待  的 你，

kha-pōo siann lâi-lâi-khì-khì  long m̄ sī tán-thāi ê  lí

閣     一    杯      想  你 規  暝 的  目    屎   我    敬  你。

koh tsi̍t pue siūnn lí kui mî ê ba̍k-sái guá king lí

夢           中   的 恩  恩  愛  愛    醒    來  一    杯     走   味 的 咖  啡，

bāng-tiong ê un-un-ài-ài tshínn lâi tsi̍t pue tsáu-bī  ê ka-pi

無    論    偌   爾  酸     苦   也   著   繼    續     斟    予    滇，

bô-lūn guā-nī sng khóo iā tio̍h kè-sio̍k thin hōo tīnn

外      面 是   冷   冷     冰      冰     凍   入    心       肝    無      情  的   冬      天，

guā-bīn sī ling ling ping ping tàng li̍p sim-kuann bô-tsîng ê tang-thinn

只 有你 的    相        片         伴       阮   燒     滾     滾 的   相    思，

tsí-ū lí  ê siòng-phìnn phuānn gún sio-kún-kún ê siunn-si

**你 的 愛 若   真，哪 會   遮    忍    心，

    lí  ê  ài nā tsin   ná ē tsiah lím-sim

放        阮    一     嘴    一  滴   珠   淚    透    著     走   味 的 咖  啡。

pàng gún tsi̍t tshuì tsi̍t tih tsu-luī thàu tio̍h tsáu-bī  ê ka-pi

(Repeat)