秋雨彼一暝

秋雨彼一暝

演唱：江蕙/伍思凱
作詞：熊天益
作曲：熊天益

一   暝    雨    恬      恬     咧   落， 月     茫       茫     暗    淡  的  路，

tsi̍t mî hōo tiām-tiām teh lo̍h  ge̍h bông bông àm-tām ê lōo

雨       水  的 光     影     閃      閃     爍   爍，    伴      阮  的 稀 微，

hōo-tsuí ê kng iánn siám-siám-sih-sih phuānn gún ê hi-bî

車         行    過  這   難      忘   的   城       市， 是   秋     雨  的 彼   一   暝。

tshia kiânn kè tse lân-bōng ê siânn-tshī    sī tshiu hōo ê  hit tsi̍t mî

*我   該     當    按       怎       講      起，又 該      當     表     達     啥      物，

guá kai-tong án-tsuánn kóng-khí   iū kai-tong piáu-ta̍t siánn-mih

是 彼      聲    該    講   的 對   不     起，我    袂    記   講       出      喙，

sī  hit siann kai kóng ê tuì-put-khí  guá buē-kì kóng tshut tshuì

請             原       諒      我    恬      恬   的 離   開， 踮     秋     雨  的 彼  一   暝。

tshiánn guân-liōng guá tiām-tiām ê  lī-khui tiàm tshiu hōo ê hit tsi̍t mî

**啊～ 冷    冷  的  月    我        請    你      看       覓，

  ah   líng líng ê ge̍h guá tshiánn lí khuànn-māi

看           今  夜  我    袂      當   按  捺 的  目    屎。

khuànn kin iā guá buē-tàng án nāi ê ba̍k-sái

來  捶  捶  捶   我  的 心        肝， 予  你      看      我  的 心       疼，

lâi tuî tuî tuî guá ê sim-kuann hōo lí khuànn guá ê sim thiànn

一   暝 的   秋     雨      聲    無   奈  無    奈，    伴        奏   這    寂     寞  的  歌。

tsi̍t mî ê tshiu hōo siann bô-nāi bô-nāi phuānn-tsàu tse siok-bo̍k ê kua

來  捶  捶  捶   我  的 心        肝， 予  你      看      我  的 心       疼，

lâi tuî tuî tuî guá ê sim-kuann hōo lí khuànn guá ê sim thiànn

一   暝 的  火     車      聲    保      重    保      重， 再     會      啦    我 的 愛。

tsi̍t mî ê  hé-tshia siann pó-tiōng pó-tiōng tsài-huē--lah guá ê  ài

(REPEAT)

一   暝    雨    恬      恬     咧   落， 月     茫       茫     暗    淡  的  路，

tsi̍t mî hōo tiām-tiām teh lo̍h  ge̍h bông bông àm-tām ê lōo