媽媽請妳也保重

媽媽請妳也保重

(原曲：俺ら東京へ来たけれど)

演唱：文夏
作詞：文夏
作曲：野崎眞一

若     想     起    故        鄉，目     屎   就   流      落   來；

nā siūnn-khí kòo-hiong ba̍k-sái tio̍h lâu--lo̍h-lâi

免       掛 意     請    你    放      心， 我 的 阿 母！

bián kuà-ì tshiánn lí hòng-sim  guá ê  a-bú

雖     然 是   孤       單     一 个， 雖    然 是  孤        單     一 个。

sui-liân sī koo-tuann tsi̍t ê    sui-liân sī koo-tuann tsi̍t ê

我    也 來    到     他         鄉   的 這 个   省    都，

guá iā  lâi kàu thann-hiong ê tsit ê síng too

不     過   我  是  真     勇      健    的，

put-kò guá sī tsin ióng-kiānn ê

媽      媽        請    你 也 保      重。

má-mah tshiánn lí  iā pó-tiōng

月       光    暝，  想     欲   寫     批   來  寄   予  你；

ge̍h-kng-mî  siūnn beh siá phue lâi kià hōo lí

希    望   會   平     安 過 日， 我  的 阿 母！

hi-bāng ē pîng-an kè li̍t   guá ê  a-bú

想       彼  時    強         強   離   開，  想   彼  時     強         強  離   開。

siūnn hit sî kiōng-kiōng lī-khui siūnn hit sî kiōng-kiōng lī-khui

我    也 來    到     他         鄉   的 這 个   省    都，

guá iā  lâi kàu thann-hiong ê tsit ê síng too

不     過   我  是  真     拍        拚   的，

put-kò guá sī tsin phah-piànn ê

媽      媽        請    你 也 保      重。

má-mah tshiánn lí  iā pó-tiōng

寒      冷  的   冬       天， 夏    天   的   三      更   暝；

hân-líng ê tang-thinn  hā thinn ê sann-kinn mî

請           保      重   毋      通        傷        風， 我 的 阿 母！

tshiánn pó-tiōng m̄-thang siong-hong guá ê  a-bú

期    待    著   早  日     相      會， 期   待     著   早  日     相      會。

kî-thāi tio̍h tsá-li̍t siong-huē   kî-thāi tio̍h tsá-li̍t siong-huē

我    也 來    到     他         鄉   的 這 个   省    都，

guá iā  lâi kàu thann-hiong ê tsit ê síng too

不     過   我  是 會  轉      去 的，

put-kò guá sī  ē tńg--khì ê

媽      媽        請    你 也 保      重。

má-mah tshiánn lí  iā pó-tiōng