惦在你身邊

惦在你身邊

演唱：黃乙玲
作詞：彭立
作曲：彭立

愛     將     咱    牽      做    伙， 才  會  掛      念     囥   佇  心  底，

ài tsiong lán khan tsuè-hé  tsiah ē kuà-liām khǹg tī sim tué

一     路     行    來    確     實 無  好  過，

tsi̍t-lōo kiânn lâi khak-si̍t bô hó kè

嘛  愛   感     謝    天，這    幸     福   的  代  價。

mā ài kám-siā thinn tse hīng-hok ê  tāi-kè

*你 我     攏   有   仝         款  的    夢，

  lí guá lóng ū kāng-khuán ê bāng

我   會  陪  你   行      每   一 个   秋       冬，

guá ē puê lí kiânn muí tsi̍t ê tshiu-tang

一     路     行    來  毋     通     越      頭     望，

tsi̍t-lōo kiânn lâi m̄-thang ua̍t-thâu bāng

明   仔   載     才  會    鼻       著    花   蕊 的    清          芳。

bîn-á-tsài tsiah ē phīnn-tio̍h hue-luí ê tshing-phang

毋    甘        看    你  受    風      雨    淋，

m̄-kam khuànn lí siū hong-hōo lâm

我      甘       願   為 你 受     苦      痛，

guá kam-guān uī  lí siū khóo thàng

踮    你 的 身     邊，予  你 溫    暖，

tiàm lí  ê sin-pinn hōo lí un-luán

這  是   我   真     心 的   願       望。

tse sī guá tsin-sim ê guān-bāng

毋    甘        看    你  受    風      雨    淋，

m̄-kam khuànn lí siū hong-hōo lâm

我      甘       願   為 你 受     苦      痛，

guá kam-guān uī  lí siū khóo thàng

**踮  你 的  身    邊， 這    馬    到   永    遠，

 tiàm lí  ê sin-pinn  tsit-má kàu íng-uán

你 辛      苦   的    雙       手  有  我  來    牽。

lí  sin-khóo ê siang-tshiú ū guá lâi khan

(REPEAT)