就是我

就是我

演唱：荒山亮
作詞：荒山亮
作曲：荒山亮

我   的  真    心    永    遠     攏  佇 遐，

guá ê tsin-sim íng-uán lóng tī hia

我   的  歲     月   一 直   慢     慢     行，

guá ê suè-gua̍t it-ti̍t bān-bān kiânn

我   的  感       情   有   啥       人  會  知     影，

guá ê kám-tsîng ū siánn-lâng ē tsai-iánn

我   的  靈     魂     刻     著  你 的 名。

guá ê lîng-hûn khik-tio̍h lí  ê miâ

*啥       物    艱      苦      我   嘛     戇       戇       抾    來   擔，

siánn-mih kan-khóo guá mā gōng gōng khioh lâi tann

啥         物       坎      坷      我   嘛    笑      笑       攏  毋     驚，

siánn-mih khám-khia̍t guá mā tshiò tshiò lóng m̄-kiann

外      面     風       雨    遐    爾 大，

guā-bīn hong-hōo hiah-nī tuā

緊    覕  來  我  的   樹    仔 跤，

kín bih lâi guá ê tshiū-á kha

我   的  心   事    講      予 你 來     聽。

guá ê sim-sū kóng hōo lí lâi thiann

**我      相     信  烏     雲 有  一    工   會    散，

 guá siong-sìn oo-hûn ū tsi̍t kang ē suánn

我       相      信 日     頭  會 閣     展    開        闊，

guá siong-sìn li̍t-thâu ē koh tián khui-khuah

我       相      信  人    生    慢     慢      行，

guá siong-sìn lîn-sing bān-bān kiânn

到      最    後 的 彼     段，

kàu tsuè-āu ê  hit tuānn

陪   佇 你 身    軀      邊  的   人，就  是 我。

puê tī  lí sin-khu-pinn ê lâng  tiō sī guá

(REPEAT)