憂愁

憂愁

演唱：小安
作詞：小安/周佳佑
作曲：小安

*又   閣      睏    袂    去，猶    原     閣       想     著  你，

 iū-koh khùn buē khì   iu-guân koh siūnn-tio̍h lí

親            像    你 佇   我 的 身     邊，

tshin-tshiūnn lí  tī guá ê sin-pinn

情          願   毋  捌 你， 予    兩     人  的 代  誌，

tsîng-guān m̄ bat lí   hōo nn̄g lâng ê tāi-tsì

隨  一   切      漸        漸   的  過   去。

suî it-tshè tsiām-tsiām ê  kè-khì

想          著     當        初    時，你   牽      著    我  的   手，

siūnn-tio̍h tong-tshoo sî     lí khan-tio̍h guá ê tshiú

講        永    遠    袂      放     袂   記，

kóng íng-uán buē pàng buē-kì

就    是   放      袂   去， 來  予  你 留 佇  阮  的  心，

tio̍h sī pàng buē khì   lâi hōo lí lâu tī gún ê sim

每     日  相     見， 為  你   傷      害   自  己。

muí-li̍t sio-kìnn   uī   lí siong-hāi tsū-kí

** 若 毋 是  為  著  你，我   哪 會  遮    爾 憂    愁，

   nā m̄ sī  uī-tio̍h lí   guá ná ē tsiah-nī iu-tshiû

來   予     人        看        袂    起， 來 為 你   睏     袂   去。

lâi hōo lâng khuànn-buē-khí   lâi uī  lí khùn buē khì

若 毋 是 因 為 你， 我   早    就     放     咧    予   去，

nā m̄ sī  in-uī lí    guá tsá tio̍h pàng leh hōo khì

因 為 你  毋  值   我，   將     燒    酒    啉  落   去。

in-uī  lí  m̄-ta̍t guá tsiong sio-tsiú lim lo̍h khì

我       想     袂      開， 我  愛   著  你。

guá siūnn buē khui  guá ài-tio̍h lí

(REPEAT)