聽我唱歌

聽我唱歌

演唱：溫嵐
作詞：胡如虹
作曲：蕭煌奇

你  敢   咧        看      我，綴    著   音    樂       聲，心   內   咧     想      啥，

lí kám teh khuànn guá  tè-tio̍h im-ga̍k-siann sim-lāi teh siūnn siánn

親            像     有 一   條       線，  牽   你 佮    我   來  相  倚。

tshin-tshiūnn ū tsi̍t tiâu suànn khan lí kah guá lâi sio-uá

世   界    遐   爾  大， 舞   台    遮    爾     闊，    掌         聲    論  輸   贏，

sè-kài hiah-nī tuā   bú-tâi tsiah-nī khuah tsióng-siann lūn su-iânn

有 你  陪    我      行， 阮   毋     驚     孤       單。

ū   lí puê guá kiânn gún m̄-kiann koo-tuann

*咱   攏  有    青         春    的   夢，流  過   目    屎   佮     天      贊      聲，

lán lóng ū tshing-tshun ê bāng lâu kè ba̍k-sái kah thinn tsàn-siann

行       過    艱      苦  的 彼      段，越      頭   去      看，

kiânn kè kan-khóo ê hit tuānn ua̍t-thâu khì khuànn

心         肝    內    攏  是  感     謝。

sim-kuann lāi lóng sī kám-siā

**來     聽      我        唱        歌，    唱     咱 的  心      聲，   痛         苦     做    伙   擔。

  lâi thiann guá tshiùnn-kua tshiùnn lán ê sim-siann thòng-khóo tsuè-hé tann

來      聽      我       唱        歌， 這    條     情      歌，

lâi thiann guá tshiùnn-kua   tsit tiâu tsîng-kua

酸      甘   蜜    甜     攏  是 你 的 心       情。

sng kam bi̍t tinn lóng sī  lí  ê sim-tsiânn

你  愛     唱     的  歌，是  我 的     青         春， 美 麗  的  交      換。

lí   ài tshiùnn ê kua   sī guá ê tshing-tshun  bí-lē  ê  kau-uānn

悲    歡  離  合        唱      袂     煞，

pi huan lī ha̍p tshiùnn buē suah

只   要 你 有  我 的  歌       聲   來   做         伴，   就    袂     孤      單。

tsí-iàu lí  ū guá ê kua-siann lâi tsuè phuānn tio̍h buē koo-tuann

(REPEAT)

親            像          搬     電      影，人     生 有 時    陣，就         像        夢    一     段，

tshin-tshiūnn puann tiān-iánn  lîn-sing ū-sî-tsūn tio̍h tshiūnn bāng tsi̍t tuānn

有  哭    嘛  有   笑        聲， 毋  知     講      予      啥      人       聽。

ū khàu mā ū tshiò-siann   m̄ tsai kóng hōo siánn-lâng thiann

不    如  一 个   人，  揣    一   首    情      歌， 好  好     斟       酌       聽，

put-lû tsi̍t ê lâng  tshē tsi̍t siú tsîng-kua   hó-hó tsim-tsiok thiann

心       情   有  靠        岸，繼     續      向        前      行。

sim-tsîng ū khò-huānn kè-sio̍k hiòng-tsiân kiânn

(REPEAT)