苦戀夢

苦戀夢

演唱：陳小雲
作詞：陳芙蓉
作曲：陳木

*你 對   我    雖   然     情   意  重，

  lí tuì guá sui-liân tsîng-ì tāng

偏            偏  你   同    時  愛  兩    人，

phian-phian lí tông-sî  ài nn̄g lâng

為 你 心      情     袂     輕       鬆，

uī  lí sim-tsîng buē khin-sang

這   毋 是  我     當        初    的 希    望。

tse m̄  sī guá tong-tshoo ê  hi-bāng

** 是    啥       人      願  意 佮     人      公     家   做     戀     夢，

   sī  siánn-lâng guān-ì kah lâng kong-ke tsuè luân bāng

是   啥       人      願  意  情       份  只     賰     一       半       重。

sī siánn-lâng guān-ì tsîng-hūn tsí tshun tsi̍t-puànn tāng

想         欲     放    又  閣     真  毋    甘，

siūnn beh pàng iū-koh tsin m̄-kam

若 毋    放，如  何  面    對  這      場      苦     戀      夢，

nā m̄ pàng lû-hô bīn-tuì tsit tiûnn khóo luân bāng

苦         戀      夢    啊    苦     戀      夢，

khóo luân bāng ah khóo luân bāng

為  愛  痴   迷   心     茫       茫。

uī  ài tshi-bê sim bâng-bâng

(REPEAT)