向前走

向前走

演唱：林強
作詞：林強
作曲：林強

火     車      漸         漸     咧   起      行，

hé-tshia tsiām-tsiām teh khí-kiânn

再      會    我  的  故       鄉     佮      親       情，

tsài-huē guá ê kòo-hiong kah tshin-tsiânn

親       愛 的  爸   母   再    會   吧， 鬥   陣 的   朋   友  告  辭 啦。

tshin-ài  ê  pē-bú tsài-huē pa   tàu-tīn ê pîng-iú kò-sî lah

我     欲   來   去   台    北      拍       拚，

guá beh lâi-khì Tâi-pak phah-piànn

聽           人     講       啥      物   好       空      的    攏  佇 遐，

thiann lâng kóng siánn-mih hó-khang--ê lóng tī hia

朋      友    笑     我  是 愛   做    眠      夢  的    戇       囝，

pîng-iú tshiò guá sī  ài tsuè bîn-bāng ê gōng kiánn

毋     管   如  何  路  是  家  己   行。

m̄-kuán lû-hô lōo sī  ka-kī kiânn

OH！再     會   吧！OH！  啥     物     攏    毋     驚！

       tsài-huē pa          siánn-mih lóng m̄-kiann

OH！再     會   吧！ OH！  向        前      行！

       tsài-huē pa           hiòng-tsiân kiânn

車          站    一     站   一     站    過  去  啦，

tshia-tsām tsi̍t tsām tsi̍t tsām kè khì lah

風          景    一    幕    一    幕     親          像      電      影，

hong-kíng tsi̍t bōo tsi̍t bōo tshin-tshiūnn tiān-iánn

共  家  己   當       做  是  男   主    角   來     搬，

kā ka-kī tòng-tsuè sī lâm tsú-kak lâi puann

雲    遊 四   海   可    比 是「小飛俠」。

hûn iû sù-hái khó-pí  sī

毋     管  是 幼 稚  抑  是 樂     觀，

m̄-kuán sī iù-tī  ia̍h-sī lo̍k-kuan

後    果  若  按       怎     家 己   就   來   擔，

hiō-kó nā án-tsuánn ka-kī tio̍h lâi tann

原          諒     不     孝 的    囝   兒 吧，

guân-liōng put-hàu ê kiánn-lî pa

趁       我   猶   少     年       趕     緊  來     拍       拚。

than guá iáu siàu-liân kuánn-kín lâi phah-piànn

OH！再     會   吧！OH！  啥     物     攏    毋     驚！

       tsài-huē pa          siánn-mih lóng m̄-kiann

OH！再     會   吧！ OH！  向        前      行！

       tsài-huē pa           hiòng-tsiân kiânn

台     北    台    北    台    北     車       頭    到      囉  啦，

Tâi-pak Tâi-pak Tâi-pak tshia-thâu kàu--loh lah

欲     落      車  的  旅    客         請         趕      緊   落     車，

beh lo̍h-tshia ê  lú-kheh tshiánn kuánn-kín lo̍h-tshia

頭         前   是   現    代  的  台    北     車       頭，

thâu-tsîng sī hiān-tāi  ê  Tâi-pak tshia-thâu

我   的 理     想     佮  希    望       攏  佇 遮。

guá ê  lí-sióng kah hi-bāng lóng tī tsia

一      棟    一     棟  的「高樓大廈」，

tsi̍t tòng tsi̍t tòng ê

毋   知  有 蹛    偌     濟        像       我    這       種   的    戇       囝，

m̄ tsai  ū tuà guā-tsuē tshiūnn guá tsit-tsióng ê gōng kiánn

較        早      聽      人        唱   「台北不是我的家」，

khah-tsá thiann lâng tshiùnn

但   是   我   一      點  仔   攏   無    感     覺。

tān-sī guá tsi̍t-tiám-á lóng bô kám-kak

OH！  啥      物     攏   毋      驚！OH！   向        前      行！

       siánn-mih lóng m̄-kiann         hiòng-tsiân kiânn

OH！  啥      物     攏   毋      驚！OH！   向        前      行！

       siánn-mih lóng m̄-kiann         hiòng-tsiân kiânn