故鄉

故鄉

演唱：葉啟田
作詞：鄭進一/陳維祥
作曲：鄭進一

有  幾    間     厝     用      磚  仔     鞏？      看          起  來     普        通        普        通；

ū  kuí king tshù iōng tsng-á khōng khuànn--khí-lâi phóo-thong phóo-thong

時    常        出      現    我  的   夢        中， 彼   就  是  我  的  故       鄉。

sî-siông tshut-hiān guá ê bāng-tiong  hit tsiū sī guá ê kòo-hiong

蹛    一   陣   人， 真        正     善       良，  面     上       攏    帶    著      笑       容；

tuà tsi̍t tīn lâng  tsin-tsiànn siān-liông  bīn siōng lóng tuà-tio̍h tshiò-iông

安    份     守  己，士    農      工      商，  彼   就  是  我  的  故      鄉。

an-hūn-siú-kí    sū lông kang siong  hit tsiū sī guá ê kòo-hiong

暗   時 仔 廟     口        聽     大     人       膨         風，

àm-sî-á biō kháu thiann tuā-lâng phòng-hong

叔        公      講    日     本  時  代 伊   上      蓋   勇；

tsik-kong kóng Li̍t-pún sî-tāi  i siōng-kài ióng

姨 婆      唱         著      望       春        風， 彼   就  是  我 的  故        鄉。

 î-pô tshiùnn-tio̍h bāng tshun-hong  hit tsiū sī guá ê kòo-hiong

想         起    著    可   愛 的  故        鄉， 予     我 意志   堅        強；

siūnn-khí tio̍h khó-ài  ê kòo-hiong hōo guá ì-tsì kian-kiông

在     我  的   拍        拚     奮    鬥  人     生     中，

tsāi guá ê phah-piànn hùn-tàu lîn-sing tiong

伊 就  是   鼓  勵   我    最     大 的 力     量。

 i tsiū sī kóo-lē guá tsuè tuā ê  li̍k-liōng

有  幾    間     厝     用     磚   仔     鞏？      看         起   來     普        通        普        通；

ū  kuí king tshù iōng tsng-á khōng khuànn--khí-lâi phóo-thong phóo-thong

總       有 一   日  我  會  成       功， 倒   轉    去    我  的  故       鄉。

tsóng ū tsi̍t-li̍t guá ē sîng-kong  tò-tńg-khì guá ê kòo-hiong

(REPEAT)