夢中作憨人
演唱：阿密特(張惠妹)作詞：陳佳惠
作曲：徐鳳儀
滿 天 的 田 嬰 飛 過 夢 中 田 岸 墘，
muá thinn ê tshân-inn pe kè bāng-tiong tshân-huānn kînn
夢 彼 段 初 戀 滋 味，
bāng hit tuānn tshoo-luân tsu-bī
牛 郎 佮 織 女 每 一 年 相 逢 也 有 時，
Gû-nn̂g kah Tsit-lú muí tsi̍t nî siong-hông iā ū-sî
你 佮 我 註 定 分 離。
lí kah guá tsù-tiānn hun-lī
青 色 海 岸， 白 色 的 沙，
tshinn-sik hái-huānn pe̍h-sik ê sua
兩 雙 跤 印 無 聲 恬 恬 行 相 倚，
nn̄g siang kha ìn bô-siann tiām-tiām kiânn sio-uá
風 咧 唱 歌， 雲 來 做 伴，
hong teh tshiùnn-kua hûn lâi tsuè phuānn
你 我 哪 會 無 牽 手 的 勇 氣？
lí guá ná ē bô khan-tshiú ê ióng-khì
想 你 彼 一 暗， 相 思 茫 茫 寂 寞 氣 味 重，
siūnn lí hit tsi̍t àm siunn-si bâng-bâng siok-bo̍k khì-bī tāng
故 鄉 月 照 袂 著 希 望 啊！
kòo-hiong ge̍h tsiò buē tio̍h hi-bāng ah
孤 單 一 个 人， 雨 水 冷 冷 花 蕊 失 清 芳，
koo-tuann tsi̍t ê lâng hōo-tsuí líng líng hue-luí sit tshing-phang
想 欲 來 挽 回 已 經 慢。
siūnn beh lâi bán-huê í-king bān
(REPEAT)
想 你 彼 一 暗， 夢 來 成 空 目 箍 已 經 紅，
siūnn lí hit tsi̍t àm bāng lâi sîng khang ba̍k-khoo í-king âng
阮 猶 是 無 法 度 袂 記 啦！
gún iah sī bô-huat-tōo buē-kì lah
賰 我 一 个 人，彼 條 情 歌 阮 猶 唱 袂 煞，
tshun guá tsi̍t ê lâng hit tiâu tsîng-kua gún iah tshiùnn buē suah
天 頂 星 也 笑 阮 是 戇 人。
thinn-tíng tshinn iā tshiò gún sī gōng lâng
少 年 家 青 春 來 討 債 喙 鬚 嘛 已 經 白，
siàu-liân-ke tshing-tshun lâi thó-tsè tshuì-tshiu mā í-king pe̍h
無 注 意 緣 份 就 錯 過，
bô tsù-ì iân-hūn tio̍h tshò kè
敢 講 你 毋 知 一 世 人 無 兩 回， 重 來 的 機 會。
kám-kóng lí m̄ tsai tsi̍t-sì-lâng bô nn̄g huê tîng-lâi ê ki-huē
(REPEAT)
月 娘 啊 陪 伴 阮～ 做 眠 夢～
ge̍h-niû ah puê-phuānn
gún tsuè bîn-bāng
No comments:
Post a Comment