怎樣會堪

怎樣會堪

演唱：江蕙
作詞：李克明
作曲：徐嘉良

若 是 愛   人  愛  甲     遮  毋    願，

nā-sī ài lâng ài kah tsiah m̄-guān

你 按      怎     解      脫   無    情   的  人，

lí  án-tsuánn kái-thuat bô-tsîng ê lâng

情       一    工     一    工     茫，

tsîng tsi̍t kang tsi̍t kang bâng

一    分    一   分    送，

tsi̍t hun tsi̍t hun sàng

一  絲  一 絲  予    別    人，

tsi̍t si tsi̍t si hōo pa̍t-lâng

怎            樣  會   堪。

tsuánn-iūnn ē-kham

一   蕊   花   紅    紅，

tsi̍t luí hue âng âng

蝴    蝶    痴   迷 伊 的   芳，

ôo-tia̍p tshi-bê  i   ê phang

等      待   花      欉， 慢     慢    消    瘦，失   去      清        芳。

tán-thāi hue-tsâng bān-bān siau-sán  sit-khì tshing-phang

*一  个  人     茫     茫，

tsi̍t  ê lâng bâng bâng

守    著     感      情     一     張     網，

siú-tio̍h kám-tsîng tsi̍t tiunn bāng

將        時  間    白    白  來    斷     送，

tsiong sî-kan pe̍h-pe̍h lâi tuàn sàng

一   世    人  學   袂     曉     輕     重。

tsi̍t-sì-lâng o̍h buē-hiáu khin-tāng

若 是 愛   人  愛  甲     遮  毋    願，

nā-sī ài lâng ài kah tsiah m̄-guān

你 按      怎      堅      持  愛 這 个 人，

lí  án-tsuánn kian-tshî ài tsit ê lâng

跤    一    步   一    步    重，

kha tsi̍t pōo tsi̍t pōo tāng

一      寸     一     寸      亂，

tsi̍t tshùn tsi̍t tshùn luān

一     陣    一   陣     袂    輕     鬆。

tsi̍t tsūn tsi̍t tsūn buē khin-sang

若 是 愛   人  愛  甲     遮  毋    願，

nā-sī ài lâng ài kah tsiah m̄-guān

你 按      怎     解      脫   無    情   的  人，

lí  án-tsuánn kái-thuat bô-tsîng ê lâng

情       一    工     一    工     茫，

tsîng tsi̍t kang tsi̍t kang bâng

一    分    一   分    送，

tsi̍t hun tsi̍t hun sàng

一  絲  一 絲  予    別    人，

tsi̍t si tsi̍t si hōo pa̍t-lâng

怎            樣  會   堪。

tsuánn-iūnn ē-kham

(REPEAT)