甲你攬牢牢

甲你攬牢牢

演唱：江蕙
作詞：江蕙
作曲：江蕙

我      欲  共 你 攬    牢     牢， 因 為    驚   你     半     暝 仔 爬  起   來    哭，

guá beh kā lí lám tiâu-tiâu   in-uī kiann lí puànn-mî-á pê khí-lâi khàu

共  你 攬    咧   心       肝        頭，予  你 對  人    生    袂     閣     茫      渺     渺。

kā  lí lám teh sim-kuann-thâu hōo lí tuì lîn-sing buē koh bong biáu biáu

*我    欲  共 你 攬     牢    牢，毋    免      驚       驚，   驚      見      笑，

guá beh kā lí lám tiâu-tiâu  m̄-bián kiann kiann kiann-kiàn-siàu

世  事   予     人      想     袂      曉，需   要   一 个   肩     胛     頭。

sè-sū hōo lâng siūnn buē-hiáu  su-iàu tsi̍t ê king-kah-thâu

我     欲   共 你 攬    牢     牢，予     我    陪 你     唱         仝     調，

guá beh kā lí lám tiâu-tiâu hōo guá puê lí tshiùnn kāng tiāu

分       擔 你 的 憂 你 的   愁     佮 你 的   哭，  哭    完    心   事    就  無    了    了。

hun-tam lí  ê  iu  lí  ê tshiû kah lí  ê khàu khàu uân sim-sū tio̍h bô liáu-liáu

我      欲  共 你 攬    牢     牢，予  你  袂      驚      袂   閣     吼，

guá beh kā lí lám tiâu-tiâu hōo lí buē kiann buē koh háu

往      事    放     予       空， 人    生   啊    才  有   望， 予     我    陪 你  度   難     關。

óng-sū pàng hōo khang lîn-sing ah tsiah ū bāng hōo guá puê lí tōo lân-kuan

(REPEAT)

**往  事    放     予       空， 人    生   啊    才  有    望， 予     我  共 你 攬   絚 絚。

óng-sū pàng hōo khang lîn-sing ah tsiah ū bāng hōo guá kā lí lám ân ân