三暝三日

三暝三日

演唱：吳宗憲
作詞：吳宗憲
作曲：周杰倫/吳宗憲

*光       線       漸        漸     照   入  無    開     燈  的   窗，

kng-suànn tsiām-tsiām tsiò li̍p bô khui ting ê thang

空            空    的  酒     杯，  裝      著     滿     滿   的   相    思。

khang khang ê tsiú-pue  tsng-tio̍h muá-muá ê siunn-si

你 的   形      影   雖    然 離   開，

lí   ê hîng-iánn sui-liân lī-khui

但    是  我 的  心   內 猶     原      攏  是 你。

tān-sī guá ê sim-lāi iu-guân lóng sī  lí

**想  你  三    暝    三   日， 對    頭    甲   尾 共  你    想   一   擺，

siūnn lí sann mî sann li̍t    tuì thâu kah bé kā  lí siūnn tsi̍t pái

明         知     影  無      彩       工，  風      吹       草      動   嘛   心    沉     重。

bîng-tsai-iánn bô-tshái-kang hong tshe tsháu tōng mā sim tîm-tāng

想      你   三   暝    三   日， 一     點    一  滴  按       怎        放    袂   記，

siūnn lí sann mî sann li̍t    tsi̍t tiám tsi̍t tih án-tsuánn pàng buē-kì

予   你  帶    走  的  我 的  靈     魂，

hōo lí tuà tsáu ê guá ê lîng-hûn

只  有 是 隨     風      亂    紛   飛。

tsí-ū  sī suî hong luān hun hui

(REPEAT)