心狠手辣

心狠手辣

演唱：江蕙
作詞：白進法
作曲：林東松

*聰           明   的  人，也 會  糊     塗，

tshong-bîng ê lâng  iā  ē hôo-tôo

付      出     真      情，  換    無     快     樂，

hù-tshut tsin-tsîng uānn bô khuài-lo̍k

變       心    跤      步， 永   遠       行     袂    到    幸     福。

piàn-sim kha-pōo  íng-uán kiânn buē kàu hīng-hok

為 你  甘       願     獻      出， 我  的   全      部，

uī  lí kam-guān hiàn tshut guá ê tsuân-pōo

一      點    一  滴，無   留   退   路，

tsi̍t tiám tsi̍t tih   bô lâu thè lōo

如   今    心       疼，有   啥       人    陪     我   度。

lû-kim sim thiànn  ū siánn-lâng puê guá tōo

我     無   論      風      雨    閣       較    艱       苦      攏   無  計    較

guá bô-lūn hong-hōo koh-khah kan-khóo lóng bô kè-kàu

甘         願     永    遠    陪 你 身     邊，

kam-guān íng-uán puê lí sin-pinn

恁     雙       雙    對  對   甜     甜    蜜   蜜     出       出     入   入

lín siang siang tuì tuì tinn-tinn-bi̍t-bi̍t tshut-tshut-li̍p-li̍p

留    予     我 的 只 有   滿      滿  的    空     虛。

lâu hōo guá ê tsí-ū muá-muá ê khang-hi

我     猶  無    準    備 你  就   來 離   開，

guá iah bô tsún-pī  lí tio̍h lâi  lī-khui

過    去 的 愛   囥     一     邊，  孤        單   是  我，  最   後 的   行  李。

kè-khì ê  ài khǹg tsi̍t-pinn  koo-tuann sī guá  tsuè-āu ê hîng-lí

**為 何   對   我     遮    爾  心      雄       手     辣，

  uī-hô tuì guá tsiah-nī sim hiông tshiú lua̍h

當          初    的  咒      誓，如    今    變     卦，

tong-tshoo ê tsiù-tsuā   lû-kim piàn-kuà

目      屎 若  是  流 焦，也  救   袂    轉      來 你    疼      我。

ba̍k-sái nā-sī lâu ta    iā kiù buē tńg--lâi  lí thiànn guá

為  何  對   我     遮    爾  心      雄       手     辣，

uī-hô tuì guá tsiah-nī sim hiông tshiú lua̍h

當           初   的  甜    蜜，如   今     拖     磨，

tong-tshoo ê tinn-bi̍t   lû-kim thua-buâ

目      屎 若  是 流  焦，  敢     換  會  轉     來 你 愛  我。

ba̍k-sái nā-sī lâu ta   kám uānn ē tńg--lâi lí  ài guá

(REPEAT)